អ្នកប្រើ MacBook និង MacBook Pro មានបញ្ហាគ្រាប់ចុច ពេលនេះមានសង្ឃឹមហើយ
- 2018-06-23 06:20:00
- ចំនួនមតិ 0 | ចំនួនចែករំលែក 0
អ្នកប្រើ MacBook និង MacBook Pro មានបញ្ហាគ្រាប់ចុច ពេលនេះមានសង្ឃឹមហើយ
ចន្លោះមិនឃើញ
ទីបំផុតក្រុមហ៊ុន Apple បានចេញមុខមកសារភាពរឿងកំហុសនៃគ្រាប់ចុច Butterfly Switch ជាភាពបរាជ័យមួយ ដែលខ្លួនបានបំពាក់លើ MacBook និង MacBook Pro ចាប់ពីស៊េរីឆ្នាំ ២០១៥ មកដល់បច្ចុប្បន្ននេះហើយ។
Apple បានប្រកាសថា ខ្លួននឹងផ្ដល់ការផ្លាស់ប្ដូរលើគ្រាប់ចុច មួយចំនួន ឬមួយផ្ទាំងថ្មីតែម្ដង ដល់អតិថិជនជួបបញ្ហាលើគ្រាប់ចុច ដែលចុចទៅចេញជាន់គ្នា ២ ទៅ ៣ដង ចុចមិនដើរ ឬក៏គ្រាប់ចុចដែលមានសភាពស្អិត មិនលោតមកវិញ។
សេវាជួសជុលនេះ មានសម្រាប់គ្រប់កុំព្យូរទ័រញួរដៃរបស់ Apple ស៊េរីទាំង MacBook និង MacBook Pro ដែលមានប្រើគ្រាប់ចុចប្រភេទស្ដើង Buttefly Mechanism ទាំងជំនាន់ទីមួយ និងជំនាន់ទីពីរ ហើយទាំង MacBook Pro ដែលមាន Touch Bar និងគ្មាន Touch Bar ក៏នឹងទទួលបានការជួសជុលនេះដែរ។
"ខាង Apple និងតំណាងជួសជុលស្របច្បាប់របស់ Apple នឹងធ្វើការពិនិត្យមើល កុំព្យូទ័ររបស់អតិថិជន ដែលទទួលបានសិទ្ធជួសជុលនេះ ហើយការត្រួតពិនិត្យនេះ នឹងមិនត្រូវបានគិតប្រាក់ឡើយ។
ក្នុងការជួសជុលនេះ គ្រាប់ចុចដែលខូចចំនួន ២ ឬក៏ ៣ នឹងត្រូវផ្លាស់ប្ដូរ ឬក៏ត្រូវប្ដូរមួយផ្ទាំងចោលតែម្ដងក៏ថាបាន។ " នេះបើតាមក្រុមហ៊ុន Apple ចេញមកបញ្ជាក់ផ្ទាល់តែម្ដង។
គួរបញ្ជាក់ផងដែរថា តាំងតែពីបានបញ្ចេញ MacBook ១២អុីញ ឆ្នាំ ២០១៥ ប្រើក្ដារចុច Butterfly Switch ដែលផលិតឡើងដោយ Apple ផ្ទាល់ដើម្បីឲ្យការផលិតកុំព្យូទ័រយួរដៃបានកាន់តែស្ដើងជាងមុននោះ ក្ដារចុចនោះក៏ទទួលបានការរិះគន់ច្រើនលើសលប់ភ្លាមៗ ពិសេសលើចំណុចដែលវាគាំង វាយមិនលោតមកវិញ ពេលមានធូលីចូលក្នុងគ្រាប់ចុចហ្នឹងតែម្ដង។
ខាងក្រោមនេះជា Macbook និង MacBook Pro ដែលនឹងទទួលបានការផ្លាស់ប្ដូរក្ដារចុចនេះ៖
ចុចអាន៖