ពីក្រោយការពិតទស្សនាវដ្ដី TIME ដ៏ល្បីបំផុត ប្រើក្របរូបក្មេងយំពេលឃើញមុខត្រាំ

2018-06-24 07:21:31
ចំនួនមតិ 0 | ចំនួនចែករំលែក 0

ចន្លោះមិនឃើញ

John Moore ជាអ្នកថតរូបដែលទទួលបានរង្វាន់ Pulitzer របស់ Getty Images។ លោកបានថតរូបជនអន្តោប្រវេសន៍ឆ្លងកាត់ព្រំដែន អាមេរិក-ម៉ិកស៊ិក អស់រយៈពេលជាច្រើនឆ្នាំ។ សប្តាហ៍នេះរូបថតរបស់លោកត្រូវបានជ្រើសរើសទាក់ទងនឹងបញ្ហាជនអន្តោប្រវេសន៍ដ៏ចម្រូងចម្រាស់នៅអាមេរិក។

Pulitzer គឺជាពានរង្វាន់សម្រាប់ស្នាដៃឆ្នើមបំផុតសម្រាប់អ្នកសារព័ត៌មានមិនថាជាសំណេរ ឬ រូបថតឡើយ ហើយ វាប្រៀបបាននឹងពានរង្វាន់ Oscar សម្រាប់អ្នកមានស្នាដៃឆ្នើមនៅក្នុងវិស័យភាពយន្តដូច្នោះដែរ។

រូបនៅលើក្របទស្សនាវដ្តីគឺជារូបកាត់ត ដែលស៊ីទៅនឹងច្បាប់ថ្មីដ៏ចម្រូងចម្រាស់របស់ត្រាំទៅលើជនអន្តោប្រវេសន៍ឆ្លងចូលអាមេរិកតាមច្រកព្រំដែនម៉ិកស៊ិក។ កុមារនៅក្នុងរូបគឺជាជនជាតិហុងឌូរ៉ាស។ កុមារអាយុ២ឆ្នាំយំនៅពេលដែលម្តាយរបស់ទារកនេះ ត្រូវបានប៉ូលីសចាំយកទៅឃុំខ្លួននៅរដ្ឋតិចណាស់ នៅពេលរូបគេព្យាយាមឆ្លងដែនចូលអាមេរិក។

Moore បានរៀបរាប់ពីហេតុការណ៍នៅពេលដែលលោកថតរូបនោះប្រាប់ TIME ថា "នេះគឺជាការលំបាកសម្រាប់ខ្ញុំ។ អ្វីដែលខ្ញុំចង់ធ្វើ គឺទៅពរនាង (ទារក)ឡើង។ ប៉ុន្តែខ្ញុំមិនអាច"។

ច្បាប់ថ្មីរបស់ត្រាំគឺត្រូវពង្រាត់ឪពុកម្តាយចេញពីកូន ប្រសិនបើពួកគេលួចឆ្លងដែនចូលអាមេរិកដោយខុសច្បាប់។

ខាងក្រោមនេះគឺជារូបថតជនអន្តោប្រវេសន៍ឆ្លងកាត់ព្រំដែន អាមេរិក-ម៉ិកស៊ិក មួយចំនួនទៀតរបស់ John Moore៖