សុខៗ ម៉ារីម៉ា និយាយចំក្ដែងៗលែងខ្មាសថា ខ្លួនចាប់ផ្ដើមខ្លាចប្ដី
- 2018-06-24 06:51:37
- ចំនួនមតិ 0 | ចំនួនចែករំលែក 0
សុខៗ ម៉ារីម៉ា និយាយចំក្ដែងៗលែងខ្មាសថា ខ្លួនចាប់ផ្ដើមខ្លាចប្ដី
ចន្លោះមិនឃើញ
តារាសម្ដែងសម្រស់ត្រដែត Marian Rivera បានទម្លាយអ្វីដែលលាក់ក្នុងចិត្តដែលខ្លួនមានចំពោះស្វាមីទៅកាន់អ្នកគ្រប់គ្នា។
រាជិនីតារាសម្ដែងរបស់ហ្វីលីពីន ដែលគ្រប់គ្នានិយមហៅថា "ម៉ារីម៉ា” បាននិយាយក្នុងកម្មវិធីមួយថា ខ្លួនមានអារម្មណ៍ខ្លាច Dingdong Dantes ដែលជាស្វាមីបន្តិចបន្តួចដែរ នៅពេលដែលតារាប្រុសរូបនេះក្លាយជាអ្នកដឹកនាំកម្មវិធីដែលនាងធ្វើជាពិធីការិនីមានឈ្មោះថា "Tadhana”។
អ្នកម្ដាយរបស់ Zia រូបនេះបញ្ជាក់ថា៖ "ខ្ញុំពិតជាមានអារម្មណ៍ថាខ្លាចៗ នៅពេលគាត់មកធ្វើជាអ្នកដឹកនាំរបស់ខ្ញុំ។ ខ្ញុំចេះតែមានអារម្មណ៍ថា នៅពេលគាត់ដឹងពីខ្ញុំច្បាស់ពេក តើត្រូវខ្ញុំធ្វើយ៉ាងណាទៅ។ ខ្ញុំសួរគាត់ថា «បងនឹងដឹងដោយដូចម្ដេចទៅ?» គាត់ឆ្លើយភ្លាមថា «បងច្បាស់ជាដឹងថា ពេលណាអូនគ្រាន់តែសម្ដែង ពេលណាអូនបញ្ចេញអារម្មណ៍ពិត» ដល់ពេលអ៊ីចឹងទៅខ្ញុំដូចជាមានសម្ពាធបន្តិចដែរ”។
ប៉ុន្តែទោះជាយ៉ាងណា តារាស្រីរូបនេះ នៅមិនភ្លេចសរសើរប្ដីរបស់ខ្លួនថា ជាអ្នកដឹកនាំល្អម្នាក់ មិនមែនតែសម្រាប់កម្មវិធី តែក៏ជាអ្នកដឹកនាំ ត្រួសត្រាយផ្លូវល្អ ដ៏ពិសេសក្នុងបេះដូងនាងដែរ៕