មូលហេតុនេះហើយ គ.ជ.ប ផ្ញើសារទៅកាន់ទូរសព្ទដៃពលរដ្ឋរាល់ថ្ងៃ

2018-06-24 07:03:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រជាពលរដ្ឋមួយចំនួនទំនងជាបានចាប់អារម្មណ៍ថាគណៈកម្មាធិការជាតិរៀបចំការបោះឆ្នោត(គ.ជ.ប)បានផ្ញើសារចូលក្នុងទូរសព្ទដៃរបស់ខ្លួនជាញឹកញាប់នូវព័ត៌មានទាក់ទងនឹងការបោះឆ្នោត ការធ្វើដូចនេះគ.ជ.ប បញ្ជាក់ថានេះជាសេវាបម្រើដល់ម្ចាស់ឆ្នោត។

(សារSMS ជាព័ត៌មានទាក់ទងនឹងការបោះឆ្នោតដែលគ.ជ.ប ផ្ញើចូលទូរសព្ទដៃ)

ក្នុងសេចក្តីប្រាកសព័ត៌មានចេញផ្សាយកាលពីថ្ងៃទី២២ ខែមិថុនា ឆ្នាំ២០១៨ គ.ជ.ប បញ្ជាក់ថាខ្លួនបានផ្ញើសារ(SMS)សំខាន់ៗជារៀងរាល់ថ្ងៃទៅកាន់ទូរសព្ទដៃចំនួន៥លានគ្រឿង។

ក្នុងសេចក្តីប្រកាសព័ត៌មានសរសេរថា៖ «ក្នុងរឿងបោះឆ្នោតមានតួរអង្គពីរដែលសំខាន់គឺម្ចាស់ឆ្នោត និងគ.ជ.ប...ការផ្តល់សេវាព័ត៌មាននេះ គឺមានន័យថាជាអ្នកបម្រើសេវាដល់ម្ចាស់ឆ្នោតដែលជាគោលការណ៍មួយក្នុងចំណោមគោលការណ៍ទាំង៧ដែលជាត្រីវិស័យរបស់គ.ជ.ប»។

គួរបញ្ជាក់ថាសម្រាប់ការបោះឆ្នោតនៅថ្ងៃទី២៩ ខែកក្កដា ឆ្នាំ២០១៨ ខាងមុខនេះ មានគណបក្សនយោបាយចូលរួមប្រកួតប្រជែងចំនួន២០គណបក្ស៕

អត្ថបទ៖ ទូច សុខា