Messi ថា មិនទាន់ចង់ចូលនិវត្តន៍ រហូតដល់ឈ្នះ World Cup សិន
- 2018-06-25 02:15:29
- ចំនួនមតិ 0 | ចំនួនចែករំលែក 0
Messi ថា មិនទាន់ចង់ចូលនិវត្តន៍ រហូតដល់ឈ្នះ World Cup សិន
ចន្លោះមិនឃើញ
Lionel Messi បានបង្ហាញពីមហិច្ឆតាឈ្នះពាន World Cup ថា គេមិនទាន់ចង់ចូលនិវត្តន៍ទេ រហូតរូបគេឈ្នះពានធំប្រចាំពិភពលោកនេះសិន។
ប្រធានក្រុមរបស់អាហ្សង់ទីនរូបនេះបានអបអរខួបឈានចូលវ័យ៣១ឆ្នាំកាលពីម្សិលមិញ និងរំឭកថា គេនឹងបោះបង់ក្ដីស្រមៃក្នុងការលើកពាន World Cupជាមួយអាហ្សង់ទីនឡើយ។ ក្នុងព្រឹត្តិការណ៍ World Cup ឆ្នាំនេះក្រុម Messi កំពុងប្រឈមមុខនឹងការធ្លាក់ក្នុងពូល ក្រោយចាញ់ប្រកួតចុងក្រោយធ្ងន់កក្រោមថ្វីជើងក្រូអាត ៣-០។
ដើម្បីបានឡើងទៅវគ្គ១៦ក្រុមចុងក្រោយ អាហ្សង់ទីនត្រូវយកឈ្នះនីហ្សេរីយ៉ា ហើយក្រូអាតត្រូវឈ្នះអ៊ីស្លង់ដាច់ខាតនៅប្រកួតទី៣។ ត្បិតឱកាសនៅផិតផើយក្ដី Messi បានប្រាប់សារព័ត៌មានថា៖ "វាពិតជាពិសេសខ្លាំងណាស់ ព្រោះសម្រាប់អាហ្សង់ទីនពាន World Cup ពិតជាសំខាន់ សម្រាប់ខ្ញុំក៏ដូចគ្នា។ ខ្ញុំតែងតែមានក្ដីស្រមៃឃើញខ្លួនឯងលើកពាន World Cup។
កីឡាកររបស់ Barcelonaបន្តថា៖ "ខ្ញុំធ្លាប់ឈ្នះកម្មវិធីសំខាន់ៗជាច្រើន ប៉ុន្តែមហិច្ឆតារបស់ខ្ញុំមិនទាន់បញ្ចប់ទេ។ ខ្ញុំមិនគួរចូលនិវត្តន៍ពីបាល់ទាត់ ដោយមិនទាន់លើកពានពិភពលោកជាមួយប្រទេសរបស់ខ្ញុំឡើយ"៕