អ្នកគាំទ្រនារីម្នាក់មានជំងឺមហារីកជាប់ខ្លួន ខំស្កាត់តាំងពីអាមេរិក មករក EXO ទីបំផុតបានសមដូចចិត្ត
- 2018-06-25 13:10:41
- ចំនួនមតិ 0 | ចំនួនចែករំលែក 0
អ្នកគាំទ្រនារីម្នាក់មានជំងឺមហារីកជាប់ខ្លួន ខំស្កាត់តាំងពីអាមេរិក មករក EXO ទីបំផុតបានសមដូចចិត្ត
ចន្លោះមិនឃើញ
ថ្មីៗ ក្រុមតារាចម្រៀងបុរស EXO បានបំពេញបំណងនារីបរទេស Michelle Parenteau ដែលខំធ្វើដំណើរពីរដ្ឋកាលីហ្វរញ៉ា នៃសហរដ្ឋអាមេរិក ដើម្បីស្កាត់មកជួបក្រុមតារាសំណព្វចិត្ត។
ជាក់ស្ដែង ក្រុមតារាចម្រៀង EXO បានអនុញ្ញាតឲ្យនារីម្នាក់នោះ បានជួបផ្ទាល់នៅខាងក្រោយឆាកតន្ត្រី 2018 Lotte Family Concert ហើយនិងបានថតជាមួយគ្នាទៀត ព្រោះក្មេងស្រីម្នាក់នោះមានជម្ងឺមហារីក។
“ខ្ញុំអាចយកឈ្នះការវះកាត់ដ៏លំបាក គឺត្រូវអរគុណដល់ EXO ហើយថ្ងៃនេះខ្ញុំពិតជាសប្បាយចិត្តខ្លាំង ដែលបានមកសម្ដែងការអរគុណផ្ទាល់ជាមួយពួកគាត់" នេះជាការឲ្យដឹងពី Michelle Parenteau ។
ស្របគ្នានេះដែរ នារីជនជាតិអាមេរិករូបនេះ បានប្រាប់ថា តន្រ្តីរបស់ EXO គឺបានផ្ដល់ភាពក្លាហានដល់រូបនាងក្នុងការប្រយុទ្ធនឹងជម្ងឺមហារីក។
សូមបញ្ជាក់ផងដែរ នារីជនជាតិអាមេរិករូបនេះ បច្ចុប្បន្នមានអាយុ១៧ឆ្នាំ ហើយនាងមានជម្ងឺមហារីក នៅឆ្នាំ២០១៥៕