BLACKPINK ក្លាយជាក្រុមនារីកូរ៉េថ្មី១ទៀតប្រចាំប្រវត្តិសាស្ត្រដែលបំបែកកំណត់ត្រានៅ Billboard
- 2018-06-26 02:06:14
- ចំនួនមតិ 0 | ចំនួនចែករំលែក 0
BLACKPINK ក្លាយជាក្រុមនារីកូរ៉េថ្មី១ទៀតប្រចាំប្រវត្តិសាស្ត្រដែលបំបែកកំណត់ត្រានៅ Billboard
ចន្លោះមិនឃើញ
ក្រុមចម្រៀង BLACKPINK បានបង្កើតប្រវត្តិសាស្ត្រថ្មីប្រចាំពិភព K-Pop ដោយសារវត្តមានលើតារាង Billboard តាមរយៈបទ "DDU-DU-DDU-DU"។
បទចម្រៀងទទួលបានការគាំទ្រពេញទំហឹងនៅប្រទេសកូរ៉េខាងត្បូង និងប្រទេសផ្សេងទៀតនៅជុំវិញពិភពលោកនៃរយៈចុងក្រោយនេះ កំពុងឈរនៅលំដាប់ទី ៥៥លើតារាង Billboard Hot 100 ក្នុងសហរដ្ឋអាមេរិក។ ដំបូងឡើយក្រុមនេះ ត្រូវបានអ្នកគាំទ្រ រំពឹងថាអាចនឹងជាប់លេខរៀងទី ៨១ ទៅ៨៣ ប៉ុន្តែលទ្ធផលចេញមក គឺលើសពីការរំពឹងទុក។
កន្លងទៅ មានតែក្រុម K-Pop ២ក្រុមប៉ុណ្ណោះដែលអាចបំបែកកំណត់ត្រាឈរលើតារាង Billboard ប្រចាំសហរដ្ឋអាមេរិកគឺ Wonder Girls និង BTS ហើយពេលនេះ BLACKPINK ក្លាយជាជើងខ្លាំងថ្មីប្រចាំប្រវត្តិសាស្ត្រហើយ។
បទចម្រៀង Wonder Girls ជាភាសាអង់គ្លេសដែលមានចំណងជើងថា "Nobody” បានក្លាយជាបទចម្រៀង ដែលឈរនៅលេខរៀងទី ៧៦ លើតារាង Hot 100 កាលពីឆ្នាំ ២០០៩ ដែលជួយឲ្យ K-Pop កាន់តែមានអ្នកស្គាល់ច្រើនឡើងៗ។
ក្រោយ ៩ឆ្នាំ BLACKPINK ក៏បានឡើងមកបំបែកកំណត់ត្រាជាថ្មី ព្រមទាំងធ្វើឲ្យអ្នកគាំទ្រភ្ញាក់ផ្អើលបំផុត៕