ពិតទេ Taylor Swift នឹងរៀបការខែសីហានេះ ហើយយក Selena ជាអ្នកកំដរ?

2018-06-27 02:29:51
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាមទស្សនាវដ្ដី Life & Style បានបញ្ជាក់ថា តារាចម្រៀង Taylor Swift និងមិត្តប្រុសរបស់នាង Joe Alwyn នឹងរៀបអាពាហ៍ពិពាហ៍ជាមួយគ្នាក្នុងខែសីហាខាងមុខក្នុងទីក្រុង Nashville ។

តាមប្រភពមួយបាននិយាយថា៖ "ពួកគេនឹងក្លាយជាប្ដីប្រពន្ធ មុនពេលធ្វើពិធីគម្រប់ខួប២ឆ្នាំនៃចំណងស្នេហារបស់ពួកគេនៅរដូវស្លឹកឈើជ្រុះខាងមុខនេះ។ ពួកគេមានគម្រោងរៀបការ ហើយឪពុកម្ដាយទាំងសងខាងក៏បានយល់ព្រមផងដែរ"។

តាមប្រភពដដែលបានបញ្ជាក់ទៀតថា តារាចម្រៀង Taylor Swift និងមិត្តប្រុសរបស់នាង ចង់ធ្វើការរៀបអាពាហ៍ពិពាហ៍របស់ពួកគេដោយស្ងាត់ៗ។ វាអាចគ្រាន់តែជាការរៀបការដ៏តូចតាចមួយដែលមានការចូលរួមត្រឹមតែមិត្តជិតស្និទ្ធ និងក្រុមគ្រួសារតែប៉ុណ្ណោះ។ មួយវិញទៀត មិត្តល្អរបស់Taylor គឺ Selena Gomez នឹងធ្វើជាអ្នកកំដររបស់នាង។ ម្ចាស់បទ "Delicate” រូបនេះបានជ្រើសរើសរ៉ូបរបស់ Oscar De La Renta ជារ៉ូបអាពាហ៍ពិពាហ៍របស់នាង ហើយឆ្មាសំណព្វរបស់នាងក៏ដើរតួសំខាន់ក្នុងថ្ងៃសំខាន់របស់នាងផងដែរ។

ទោះជាយ៉ាងណាក៏ដោយ បើតាមវិបសាយ E!News បានឲ្យដឹងថា ពាក្យចចាមអារ៉ាមនេះ គឺមិនមែនជាការពិតនោះទេ។ តារាចម្រៀង Taylor Swift និងមិត្តប្រុសរបស់នាង មិនទាន់បានគិតពីរឿងរៀបការនោះទេ។ ការលើកឡើងរបស់ ទស្សនាវដ្ដីLife & Style គ្រាន់តែជាការប្រឌិតបំផ្លើសតែប៉ុណ្ណោះ៕

ប្រភព៖ Kenh14 ប្រែសម្រួល៖ អន សុភក្ត្រា