ទៀតហើយ ស្ថានទូតជប៉ុន ប្រកាសរៀបចំការប្រឡងចម្រៀងជប៉ុននៅកម្ពុជាជាថ្មី!
- 2018-06-28 03:58:18
- ចំនួនមតិ 0 | ចំនួនចែករំលែក 0
ទៀតហើយ ស្ថានទូតជប៉ុន ប្រកាសរៀបចំការប្រឡងចម្រៀងជប៉ុននៅកម្ពុជាជាថ្មី!
ចន្លោះមិនឃើញ
នៅក្នុងសេចក្ដីប្រកាសព័ត៌មានមួយរបស់ស្ថានទូតជប៉ុនប្រចាំនៅកម្ពុជា បានឲ្យដឹងថា គាំទ្រដោយស្ថានទូតជប៉ុន ការប្រឡងចម្រៀងភាសាជប៉ុនមួយនៅកម្ពុជានៅដើមកក្កដាខាងមុខ។
ការប្រឡងចម្រៀងបរទេសនៅកម្ពុជាខាងលើនេះ ត្រូវបានឲ្យឈ្មោះថា "ការប្រឡងចម្រៀងណូដូជីម៉ាន់លើកទី៩" ដែលនឹងត្រូវរៀបចំផ្លូវការ នៅថ្ងៃសុក្រ ទី០៦ ខែកក្កដា ឆ្នាំ២០១៨ ចាប់ពីម៉ោង៩:៣០-១២:០០ នៅសាលអង្គរ-គីហ្សូណា នៃ CJCC ក្នុងអំឡុងពិធីបុណ្យតាណាបាតា។
យ៉ាងណាក៏ដោយ តាមការជូនដំណឹង ការប្រកួតប្រជែងនេះត្រូវបានផ្លាស់ប្ដូរខុសពីឆ្នាំមុនៗ។ នៅក្នុងការប្រកួតប្រជែងមុនៗ ការប្រកួតត្រូវបានរៀបចំជាលក្ខណៈការប្រកួតរវាងបុគ្គល និងបុគ្គល ប៉ុន្តែឆ្នាំនេះ ការប្រកួតប្រជែងនឹងត្រូវរៀបជាលក្ខណៈ សាលា និងសាលាវិញ។
តាមរូបមន្តថ្មីនេះ បេក្ខជនចំនួន១៧រូប ឬក្រុម មកពីគ្រឹះស្ថានសិក្សា ឬសាកលវិទ្យាល័យចំនួន១០ នឹងប្រឡងប្រជែងដើម្បីដណ្ដើមជយលាភីជូនសាលារៀងៗខ្លួន។
ស្ថានទូតជប៉ុនប្រចាំនៅកម្ពុជា បានអះអាងថា កម្មវិធីធ្វើឡើងក្នុងគោលបំណងលើកទឹកចិត្តអ្នកសិក្សាភាសាជប៉ុន បានអនុវត្តភាសាជប៉ុនតាមរយៈការបញ្ចេញសំនៀង។ លើសពីនេះទៀត ការប្រឡងនេះ ក៏មានគោលបំណងពង្រឹងចំណងមិត្តភាព និងជំរុញការយល់ដឹងអំពីគ្នាទៅវិញទៅមករវាងប្រជាជនជប៉ុន និងកម្ពុជាតាមរយៈចម្រៀងភាសាជប៉ុនដែរ៕