ដំណឹងល្អ! បាក់ឌុប២០១៨ ក្រសួងត្រៀមជ្រើសរើស សិស្សអាហារូបករណ៍ជាង ៨ ០០០នាក់
- 2018-06-28 07:41:37
- ចំនួនមតិ 0 | ចំនួនចែករំលែក 0
ដំណឹងល្អ! បាក់ឌុប២០១៨ ក្រសួងត្រៀមជ្រើសរើស សិស្សអាហារូបករណ៍ជាង ៨ ០០០នាក់
ចន្លោះមិនឃើញ
តាមសេចក្ដីជូនដំណឹងរបស់ក្រសួងអប់រំ យុវជន និងកីឡា បានបញ្ជាក់កែប្រែ កាលបរិច្ឆេទ និងចំនួនសិស្សអាហារូបករណ៍ ដែលនឹងត្រូវប្រលងជ្រើសរើស ឱ្យចូលរៀនថ្នាក់បរិញ្ញាបត្រ នៅតាមគ្រឹះស្ថានឧត្ដមសិក្សា សម្រាប់ ឆ្នាំសិក្សា ២០១៨-២០១៩។
ចុចអាន៖ ក្ដៅៗ! ក្រសួងប្រកាសថ្ងៃចេញលទ្ធផលបាក់ឌុប២០១៨ និងចំនួនបេក្ខជន មណ្ឌល បន្ទប់
ចំនួនអាហារូបករណ៍នេះ សរុប ៨ ៧២១នាក់ ក្រសួងអប់រំ យុវជន និងកីឡាបាន នឹងធ្វើការបែកចែកសម្រាប់សិស្សទូទៅ ចំនួន ៥ ៣៤៧នាក់ សិស្សអាទិភាពនារី ចំនួន ១ ២០១ សិស្សអាទិភាពក្រីក្រចំនួន ១ ៦១៦ និងសិស្សអាទិភាពតំបន់ជួបការលំបាក ចំនួន ៥៥៧នាក់។
សកលវិទ្យាល័យ និងវិទ្យាស្ថាន ដែលបេក្ខជនអាចជ្រើសរើសឲ្យចូលសិក្សាសរុបចំនួន៣៨ គឺគ្រឹះស្ថានសិក្សាសាធារណៈ ចំនួន១៨ និងគ្រឹះស្ថានឧត្ដមសិក្សាឯកជន ចំនួន២០។
ចុចអាន៖ ត្រៀមបញ្ចេញក្បាច់គុន! ក្រសួងបញ្ជាក់ពេលវេលា ប្រកាសមុខវិជ្ជាជម្រើសប្រឡងបាក់ឌុបហើយ
សេចក្ដីប្រកាសដដែល បានបញ្ជាក់ថា កាលបរិច្ឆេទ នៃការប្រលងតាមគ្រឹះស្ថានឧត្ដមសិក្សា ដែលសាមីខ្លួនបានស្នើសុំលើមុខជំនាញទាមទារប្រឡងបានប្ដូរពី ថ្ងៃទី៩ ខែតុលា ឆ្នាំ២០១៨ ទៅ ថ្ងៃទី១៣ ខែតុលា ឆ្នាំ២០១៨។
សូមបញ្ជាក់ថា ព័ត៌មានលម្អិតផ្សេងទៀត សូមទាក់ទងមកកាន់នាយកដ្ឋានឧត្ដមសិក្សារៀងរាល់ម៉ោងធ្វើការ ឬតាមទូរសព្ទលេខ ០២៣ ២១៧ ៩៣៧ ឬទាក់ទងជាមួយគ្រឹះស្ថានឧត្ដមសិក្សា ដែលបេក្ខជនបានដាក់ពាក្យស្នើសុំអាហារូបករណ៍ ដែលមានលេខ នៅក្នុងសៀវភៅកម្រងព័ត៌មានអាហារូបករណ៍។
សូមអានព័ត៌មានលម្អិត ក្នុងសេចក្ដីប្រកាសព័ត៌មានខាងក្រោម។
ចុចអាន៖ ដំណឹងល្អ! ក្រសួងប្រកាសជ្រើសរើសគ្រូគ្រប់កម្រិតជាង ៣៥០០នាក់ទូទាំងប្រទេស