ឈឺចាប់ធ្លាក់ចេញពី World Cup កីឡាករ Messi អ៊ីរ៉ង់ចូលនិវត្តន៍ក្នុងវ័យ២៣ឆ្នាំ

2018-06-29 08:16:04
ចំនួនមតិ 0 | ចំនួនចែករំលែក 0

ចន្លោះមិនឃើញ

Sardar Azmoun ដែលគេប្រដូចទៅនឹង Lionel Messi បានប្រកាសចូលនិវត្តន៍ពីក្រុមជម្រើសជាតិអ៊ីរ៉ង់ក្នុងវ័យទើបតែ២៣ឆ្នាំបន្ទាប់ពីឈឺចាប់នឹងការធ្លាក់ចេញពី World Cup ត្រឹមវគ្គសន្សំពិន្ទុតាមពូល។

ខ្សែប្រយុទ្ធដែលកំពុងប្រកបអាជីពជាមួយក្លឹប FC Rubin Kazan របស់រុស្ស៊ីជាប់ជម្រើសជាតិតាំងពីឆ្នាំ២០១៤ហើយស៊ុតបញ្ចូលទីបាន២៣គ្រាប់ក្នុងការបង្ហាញខ្លួនសរុប៣៦ប្រកួត។ ក្នុងចំណោមគ្រាប់បាល់ទាំង២៣របស់ Azmoun គឺមាន១១គ្រាប់ជាការស៊ុតបញ្ចូលទីនៅវគ្គជម្រុះប៉ុន្តែនៅការប្រកួត៣លើកវគ្គចែកពូលរូបគេមិនអាចរកបានសូម្បីតែ១គ្រាប់។

ក្រោយធ្វើមិនបានល្អតារាឆ្នើមរូបគេបានរងការរិះគន់ និងជេរប្រមាថពីអ្នកគាំទ្រដូចទឹកបាក់ទំនប់ហើយ សកម្មភាពអាក្រក់ទាំងនោះត្រូវ Azmoun អះអាងថាប៉ះពាល់ដល់ផ្លូវអារម្មណ៍ផ្ទាល់ខ្លួន និងសុខភាពផ្លូវចិត្តម្ដាយរបស់គេ ដូច្នេះទើបគេសម្រេចចិត្តចូលនិវត្តន៍តែម្ដង។

គួររម្លឹកថាអ៊ីរ៉ង់បញ្ចប់ក្នុងចំណាត់ថ្នាក់លេខ៣ក្នុងពូលB នៅពីក្រោមអេស្ប៉ាញ និងព័រទុយហ្គាល់ដែលឈរលេខ១ និងលេខ២បន្តបន្ទាប់។ ក្រុមសេដ្ឋីប្រេងមួយនេះសឹងតែអាចឡើងវគ្គបន្តបានទៅហើយ តែខកខានវិញក្រោយមិនអាចឈ្នះព័រទុយហ្គាល់ក្នុងប្រកួតចុងក្រោយបានត្រឹមស្មើ ១ទល់នឹង១៕