មកមើលតារាចម្រៀងល្បីៗ បង្ហាញខ្លួននៅតន្ត្រីទេសចរណ៍ Taylor Swift "Reputation"
- 2018-06-29 09:35:00
- ចំនួនមតិ 0 | ចំនួនចែករំលែក 0
មកមើលតារាចម្រៀងល្បីៗ បង្ហាញខ្លួននៅតន្ត្រីទេសចរណ៍ Taylor Swift "Reputation"
ចន្លោះមិនឃើញ
តន្ត្រីទេសចរណ៍ "Reputation Stadium Tour” គឺជាការប្រគំតន្ត្រីទី៥ របស់តារាចម្រៀងល្បីឈ្មោះសញ្ជាតិអាមេរិក Taylor Swift សម្រាប់ផ្សព្វផ្សាយអាល់ប៊ុមទីផ្លូវការទី៦ "Reputaion”។ ការប្រគំតន្ត្រីទេសចរណ៍នេះ បានចាប់ផ្ដើមពីថ្ងៃទី ៨ខែឧសភាឆ្នាំ ២០១៨ រហូតដល់ថ្ងៃទី ២១ខែវិច្ឆិកាឆ្នាំ ១០១៨ ដែលមានការសម្ដែង ៤០សរុបនៅសហរដ្ឋអាមេរិក ៦នៅទ្វីបអឺរ៉ុប ៥នៅតំបន់ប៉ាស៊ីហ្វិក និង២នៅអាស៊ី សរុបទាំងអស់ ៥៣ការសម្ដែង។
អ្វីដែលគួរឲ្យកោតសរសើរនោះគឺ តារារូបនេះតែងតែនាំយកមកនូវតារាចម្រៀងល្បីៗ ជាច្រើនរូបមកបង្ហាញខ្លួនជាហូរហែ ធ្វើឲ្យអ្នកគាំទ្រនាងមានការពេញចិត្តជាខ្លាំង។
នេះជាបណ្ដាតារាចម្រៀងដែលបានបង្ហាញខ្លួននៅតន្ត្រីទេសចរណ៍ "Reputation” គិតត្រឹមពេលនេះ៖
១. Shawn Mendes
Shawn បានបង្ហាញខ្លួន ពេល Taylor សម្ដែងនៅពហុកីឡាដ្ឋាន Rose Bowl នៅទីក្រុង Pasadena រដ្ឋកាលីហ្វ័រញ៉ា ដោយច្រៀងបទ "There's Nothing Holdin' Me Back” ជាមួយគ្នា។
២. Selena Gomez
Selena បានបង្ហាញខ្លួននៅពហុកីឡាដ្ឋាន Rose Bowl ដូចគ្នា ដោយបានសម្ដែងបទ "Hands to Myself” ជាមួយគ្នា។
៣. Troye Sivan
Troye Sivan ក៏បានបង្ហាញខ្លួននៅ Rose Bowl ដូចគ្នា ដោយបានសម្ដែងបទ "My My My!” ជាមួយ Taylor Swift។
៤. Niall Horan
អតីតសមាជិកក្រុមចម្រៀង One Direction លោក Niall Horan បានសម្ដែងជាមួយ Taylor នៅពហុកីឡាដ្ឋាន Wembley ទីក្រុងឡុង ប្រទេសអង់គ្លេស ដោយច្រៀងបទ "Slow Hands” ជាមួយគ្នា។
៥. Robbie Williams
កំពូលតារាចម្រៀងសញ្ជាតិអង់គ្លេស Robbie Williams បានច្រៀងបទ "Angels” ជាមួយគ្នានៅទីក្រុងឡុង។
៦. Camila Cabello
Camila ជាសមាជិកអចិន្ត្រៃយ៍មួយរួប ដែលនឹងបង្ហាញខ្លួនជាមួយ Taylor នៅក្នុងការប្រគំតន្ត្រីនេះ តារារូបនេះបានច្រៀងបទ "Shake It Off” ជាមួយ Taylor ជាច្រើនដង។
៧. Charlie XCX
មិនខុសពី Camila ប៉ុន្មាន Charlie ម្ចាស់បទ "Boom Clap” តែងតែច្រៀងបទ "Shake It Off” ជាមួយ Taylor ជាច្រើនដង ខណៈពេលប្រគំបទតន្ត្រីជាច្រើនកន្លែង៕