ថ្ងៃត្រង់នេះវិសាខា ត្រូវប្រមូលអារម្មណ៍ឲ្យបានខ្ពស់បំផុតដើម្បីតតាំង Air Force
- 2018-06-29 23:19:44
- ចំនួនមតិ 0 | ចំនួនចែករំលែក 0
ថ្ងៃត្រង់នេះវិសាខា ត្រូវប្រមូលអារម្មណ៍ឲ្យបានខ្ពស់បំផុតដើម្បីតតាំង Air Force
ចន្លោះមិនឃើញ
លោក សាន សុក្រិត គ្រូបង្វឹកក្រុមបាល់ទះវិសាខា ចង់ឲ្យកូនក្រុមប្រមូលអារម្មណ៍ប្រកួតឲ្យបានខ្ពស់បំផុត ដើម្បីតតាំងជាមួយក្រុមលំដាប់កំពូលរបស់ថៃ Air Force នៅម៉ោង ១២ ថ្ងៃត្រង់នេះ ដែលជាការប្រកួតសន្សំពិន្ទុលើកទី៣ ក្នុងព្រឹត្តិការណ៍ពានកម្រិត A របស់ថៃ។
គ្រូបង្វឹករូបនេះបានឲ្យដឹងថា ក្រុម Air Force ជាជើងខ្លាំងលំដាប់ខ្ពស់របស់ថៃ ហើយក្រុមនេះមានកីឡាករ ដែលជាជម្រើសជាតិថៃរហូតដល់ទៅ ៨ នាក់។ ដូច្នេះក្រុមរបស់លោកត្រូវតែប្រមូលអារម្មណ៍ឲ្យបានខ្ពស់បំផុត ដើម្បីតតាំងជាមួយក្រុមនេះ បើមិនដូច្នេះទេ នឹងអាចចាញ់ដល់ ៣-០ ។
លោកបញ្ជាក់ថា ប្រសិនបើឆន្ទៈនៃការលេងរបស់វិសាខាមានខ្ពស់ ក្រុមរបស់ថៃ Air Force មិនងាយធ្វើអ្វីក្រុមរបស់ខ្លួនបានដោយងាយស្រួលឡើយ។ ក្រុមបាល់ទះវិសាខាទទួលបាន ៣ ពិន្ទុក្នុងចំណោមការប្រកួត ២ លើកកន្លងមកដោយឈ្នះ Rachanavi ៣-១ និង ចាញ់ Army ម្សិលមិញ ៣-១។ ចំណែក Air Force មាន ៦ ពិន្ទុពេញដោយឈ្នះ Rachanavi ៣-០ និងឈ្នះ Saraburi ៣-០ ៕