G-Dragon ត្រូវបង្ខំចេញពីមន្ទីរពេទ្យ ខណៈការវះកាត់ជង្គង់នៅមិនទាន់ជាសះស្បើយនៅឡើយ
- 2018-06-30 02:46:30
- ចំនួនមតិ 0 | ចំនួនចែករំលែក 0
G-Dragon ត្រូវបង្ខំចេញពីមន្ទីរពេទ្យ ខណៈការវះកាត់ជង្គង់នៅមិនទាន់ជាសះស្បើយនៅឡើយ
ចន្លោះមិនឃើញ
តាមប្រភពជិតស្និទ្ធមួយបានរាយការណ៍កាលពីថ្ងៃទី ៣០ ខែមិថុនានេះថា សមាជិកក្រុម BIGBANG តារាចម្រៀង G-Dragon ត្រូវបានបង្ខំឲ្យចាកចេញពីបន្ទប់មន្ទីរពេទ្យរបស់លោកនៅឯមន្ទីរពេទ្យទាហាន Yangzhou។
តាមសេចក្ដីរាយការណ៍នោះបានបញ្ជាក់ថា តារាចម្រៀង G-Dragon បានផ្លាស់ឲ្យត្រឡប់ទៅកងពលទាហានរបស់លោកវិញនៅតំបន់ Chulwon កាលពីថ្ងៃទី ២៩ ខែមិថុនានេះ ដោយមិនទទួលបានការយល់ព្រមពីលោកផ្ទាល់ ឬក៏អង្គរក្សរបស់លោកនោះទេ។
ជាការឆ្លើយតបទៅនឹងអំណះអំណាងនេះ ខាងតំណាងមកពីមន្ទីរពេទ្យ Yangzhou បាននិយាយថា៖ "សូមធ្វើការសាកសួរទៅកាន់ក្រសួងការពារជាតិសម្រាប់ព័ត៌មានលំអិត"។ តែទោះជាយ៉ាងណាក៏ដោយ ខាងក្រសួងការពារជាតិមិនអាចធ្វើការសុំសាកសួរបាននៅឡើយទេនៅពេលនេះ។
គួររម្លឹកដែរថា កាលពីថ្ងៃទី ២៥ ខែមិថុនា តារាចម្រៀង G-Dragon បានទទួលរងការចោទប្រកាន់ចំពោះការព្យាបាលជាពិសេសខុសពីពលទាហានទូទៅ។ ជាមួយនឹងការចោទប្រកាន់នេះដែរ ខាងផលិតកម្ម និងក្រសួងការពារជាតិបានបដិសេធថាការព្យាបាលជាពិសេសរបស់តារាចម្រៀងរូបនេះគឺមិនមាននោះទេ៕