លទ្ធផលវិសាខាចាញ់ Air Force ៣-០ នេះ ដោយសារអារម្មណ៍កីឡាករភ័យ
- 2018-06-30 08:58:35
- ចំនួនមតិ 0 | ចំនួនចែករំលែក 0
លទ្ធផលវិសាខាចាញ់ Air Force ៣-០ នេះ ដោយសារអារម្មណ៍កីឡាករភ័យ
ចន្លោះមិនឃើញ
លោក សាន សុក្រិត គ្រូបង្វឹកក្រុមបាល់ទះវិសាខាយល់ឃើញការបរាជ័យរបស់ក្រុមខ្លួនក្រោមថ្វីដៃ Air Force ៣-០ ដោយសារកីឡាករមានអារម្មណ៍ភ័យនៅពេលប៉ះក្រុមខ្លាំង ក្នុងការប្រកួតពានកម្រិត A របស់ថៃ ដែលរៀបចំឡើងដោយប្រទេសថៃ។
គ្រូបង្វឹករូបនេះបានឲ្យដឹងថា សិតទី១ គឺកីឡាករលេងមិនខ្លាចចាញ់ទើបចាញ់យ៉ាងប្រកៀកប្រកិត ២៣-២៥ តែចូលដល់សិតទី២ និងទី៣ កីឡាករភ័យបាក់ធ្វើឲ្យលទ្ធផលចាញ់ដាច់តែម្ដង។ ប៉ុន្តែទោះជាយ៉ាងណាលោកក៏បានដឹងមុនហើយថា ដៃគូមួយនេះជាក្លឹបកំពូលរបស់ថៃ ដែលក្រុមកម្ពុជានៅមានកម្រិតក្រោម។
នៅថ្ងៃស្អែកជាការប្រកួតចុងក្រោយរបស់វិសាខា ដែលត្រូវប៉ះក្រុម Saraburi នៅម៉ោង ២ រសៀល ហើយប្រកួតនេះបើសិនក្រុមតំណាងឲ្យកម្ពុជាឈ្នះ នឹងទទួលបានលេខ ៣ ក្នុងព្រឹត្តិការណ៍នេះផងដែរ៕