ក្រុមអ្នកសង្គ្រោះសង្ឃឹមរកក្មេងឃើញវិញថ្ងៃនេះ ខណៈពិភពលោកកំពុងទន្ទឹងរង់ចាំ
- 2018-07-02 07:13:42
- ចំនួនមតិ 0 | ចំនួនចែករំលែក 0
ក្រុមអ្នកសង្គ្រោះសង្ឃឹមរកក្មេងឃើញវិញថ្ងៃនេះ ខណៈពិភពលោកកំពុងទន្ទឹងរង់ចាំ
ចន្លោះមិនឃើញ
បើគិតមកទល់ថ្ងៃទី ២ ខែកក្កដានេះ គឺមានរយៈពេល ៩ថ្ងៃហើយដែលក្មេងៗក្រុមបាល់ទាត់ ១២នាក់ រួមនឹងគ្រូបង្វឹកម្នាក់បានបាត់ខ្លួនក្នុងរូងភ្នំថាំហ្លួង ខេត្តឈៀងរ៉ាយប្រទេស ថៃ។
យោងតាមកាសែត Thairath ឲ្យដឹងថា កងនាវាជើងទឹក SEAL និងក្រុមអ្នកជួយសង្គ្រោះមានសង្ឃឹមថានឹងអាចរកក្មេងៗឃើញនៅថ្ងៃនេះ ដោយពួកគេកំពុងព្យាយាមចូលទៅផ្នែកទីបីដែលជាតំបន់ជ្រៅបំផុតនៃរូងភ្នំកាលពីព្រឹកមិញ។ លើសពីនេះទៀត ពួកគេសង្ឃឹមថានឹងអាចទៅដល់ Pattaya Beach ដែលគ្រប់គ្នាជឿថា ក្មេងៗទាំង ១៣នាក់កំពុងជាប់នៅទីនោះ។
ជាមួយគ្នាដែរ យោងតាមរបាយការណ៍ AFP ឲ្យដឹងថា ក្រុមអ្នកសង្គ្រោះបានធ្វើដំណើរចូលរូងភ្នំបាន ៦០០ ម៉ែត្របន្ថែមទៀតទៅកាន់តំបន់ Pattaya Beach កាលពីយប់មិញ។ នេះគឺជាដំណឹងល្អមួយសម្រាប់ប្រតិបត្តិការនេះ ហើយពួកគេជឿថានឹងអាចរកក្មេងឃើញឆាប់ៗ។ ទន្ទឹមនឹងកិច្ចខិតខំប្រឹងប្រែងនេះ ទឹកត្រូវបានបង្ហូរចេញយ៉ាងច្រើនពីរូងភ្នំដែលធ្វើឲ្យការស្វែងរកមានភាពងាយស្រួលជាងមុន។
យ៉ាងណាមិញ បេសកកម្មក្នុងការជួយសង្គ្រោះក្រុមបាល់ទាត់ជ្រូកព្រៃទាំង ១៣នាក់នេះ បានទាក់ទាញការចាប់អារម្មណ៍ខ្លាំងពីមនុស្សជុំវិញពិភពលោក ហើយពួកគេកំពុងទន្ទឹងរងចាំដំណឹងល្អពីប្រតិបត្តិការស្វែងរកនេះ៕
ចុចអាន ៖
រំជួលចិត្តខ្លាំង ក្រោយស្ដាប់សម្ដីក្រុមគ្រួសារក្មេងបាត់ខ្លួនក្នុងរូងភ្នំថាំហ្លួង
មកដឹង ប្រវត្តិគួរឲ្យខ្លាចនៃរូងភ្នំថាំហ្លួង ឃុំគ្រងរក្សាដោយព្រះម៉ែនាងដេក
ព្រឺសម្បុរ! តាមពិត រូងភ្នំថាំហ្លួងធ្លាប់មានអ្នកបាត់ខ្លួន ៣ខែតែមិនស្លាប់