អបអរសាទរ! សហគ្រិនវ័យក្មេងរបស់កម្ពុជា៥ រូប ទើបទទួលពានរង្វាន់ក្ដៅៗ

2018-07-02 09:39:41
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រកួតប្រជែងពានរង្វាន់សហគ្រិនវ័យក្មេងកម្ពុជា(CYEA) ឆ្នាំ២០១៨ បានរកឃើញម្ចាស់លាភីចំនួន ៥រូប ដែលមានទាំងស្នាដៃឆ្នើមលើអាជីវកម្ម និងផ្នត់គំនិតច្នៃប្រឌិត បង្កើតអ្វីដែលថ្មី។

សហគ្រិនវ័យក្មេងកម្ពុជាទាំង៥ រូបនោះរួមមាន ទី១ឈ្មោះ គៀត អភិវឌ្ឍន៍ ទទួលបានពានឆ្នើម ទី២ ឈ្មោះ ផាវ ដារ័ត្ន ពានរង្វាន់សង្គម ទី៣ ខេង វ៉ាន់ថា ពានរង្វាន់ បច្ចេកវិទ្យា ទី៤ ឈ្មោះ ថូង ធីតា ពានរង្វាន់ សហគ្រិនឆ្នើមស្រ្តី ទី៥ ឈ្មោះ វី ថានី ពានរង្វាន់ អាជីវកម្មទើបបង្កើតថ្មី។

អ្នកនាង គៀត អភិវឌ្ឍន៍ ខាងឆ្វេង

លោក ផាវ ដារ័ត្ន ខាងឆ្វេង

លោក ខេង វ៉ាន់ថា ខាងឆ្វេង

កញ្ញា ថូង ធីតា ខាងស្ដាំ

អ្នកនាង រី ថានី ខាងឆ្វេង

ម្ចាស់ពានរង្វាន់ទាំង៥រូប ក្រោយពីទទួលបានពានរង្វាន់ នឹងបន្តយកបទពិសោធន៍ ដែលខ្លួនមានទៅអភិវឌ្ឍន៍ក្រុមហ៊ុន និងបន្តចែករំលែកបទពិសោធន៍របស់ពួកគេដល់សង្គម ហើយមិនតែប៉ុណ្ណោះ នឹងបោះជំហ៊ានទៅកាន់ឆាកអន្តរជាតិផងដែរ។

កម្មវិធីនេះត្រូវបានរៀបចំដោយ សភាយុវពាណិជ្ជករអន្តរជាតិកម្ពុជា (JCI) សាខាមេគង្គ និងសមាគមសហគ្រិនវ័យក្មេងកម្ពុជា (YEAC)។ លោក សេង ពិសិដ្ឋ ប្រធានគម្រោង CYEAអះអាងថា ការផ្តល់ពានរង្វាន់នេះបានធ្វើឡើងដោយគណកម្មការវាយតម្លៃ ដែលមានឯករាជ្យភាព ដើម្បីធ្វើយ៉ាងណាឲ្យការផ្តល់ពានរង្វាន់នេះមានភាពយុត្តិធម៌ តម្លាភាព និងឯករាជ្យ៕

អត្ថបទ៖ ស៊ិន សាវ៉េត

រូបភាព៖ CYEA