ពាន AK2 Summer រកឃើញក្រុមឈ្នះ៨ហើយ តែក្រុមចាញ់៨នៅមានឱកាស

2018-07-02 09:54:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតពានរង្វាន់ AK2 Summer Tournament រកឃើញក្រុមឈ្នះ៨ក្រុមហើយ ប៉ុន្តែក្រុមចាញ់៨ផ្សេងទៀតក៏មានឱកាសឡើងវគ្គផ្តាច់ព្រ័ត្រដែរ ប្រសិនបើពួកគេធ្វើបានល្អក្នុងការប្រកួតបន្ទាប់។

ក្រុមឈ្នះទាំង៨មានភាគច្រើនជាក្រុមដែលមានបទពិសោធច្រើន និងល្បីឈ្មោះយូរហើយក្នុងពិភពកីឡាអេឡិចត្រូនិកក្នុងពិភពវិញ្ញាសា AK2។ ក្រុមទាំង៨មាន Team E, The Five Miracle, The Infinity, Increadible Gaming, Never Care, Successful, Invincible Squad និង Vigorously។

ក្រុមឈ្នះទាំង៨នេះស្ថិតនៅផ្នែក A ដែលត្រូវប្រកួតគ្នាក្នុងសប្តាហ៍ទី២គឺ

Team E vs The Five Miracle
The Infinity vs Increadible Gaming
Never Care vs Successful
Invincible Squad vs Vigorously ។ ក្រុមឈ្នះត្រូវឡើងទៅវគ្គបន្ត ប៉ុន្តែក្រុមចាញ់ក៏មិនទាន់អស់ឱកាសដែរដោយសាររូបមន្តត្រូវទៅប្រកួតជាមួយក្រុមឈ្នះនៅផ្នែក B បន្តទៀត។

ចំណែកក្រុមចាញ់៨មាន The Military, Ortjesklach, One Breath, Kur Oy Klach, Imperial Return, Rax Tigers, Friend LY5 និង Five Military។

ក្រុមចាញ់ទាំង៨នេះស្ថិតនៅផ្នែក B ដែលត្រូវប្រកួតគ្នាក្នុងសប្តាហ៍ទី២គឺ

The Military vs Ortjesklach
One Breath vs Kur Oy Klach
Imperial Return vs Rax Tigers
Friend LY5 vs Five Military

នៅផ្នែក B នេះគឺក្រុមឈ្នះត្រូវប្រកួតជាមួយក្រុមចាញ់មកពីផ្នែក A ហើយក្រុមចាញ់ត្រូវអស់ឱកាសត្រឹមនេះហើយ។ ដូច្នេះមានន័យថា ក្រុមចាញ់កាលពីប្រកួតជុំដំបូងពោលគឺវគ្គ១៦ក្រុមកន្លងមកនោះក៏នៅតែមានឱកាសប្រកួតបន្តទៀតដើម្បីស្វែងរកផ្លូវទៅជុំផ្តាច់ព្រ័ត្រ។