មកមើលវីដេអូដ៏រំជួលចិត្ត ពេលក្រុមសង្គ្រោះរកឃើញក្មេងថៃ និងគ្រូបង្វឹក១៣នាក់នៅក្នុងរូងភ្នំ (មានវីដេអូ)
- 2018-07-03 00:02:57
- ចំនួនមតិ 0 | ចំនួនចែករំលែក 0
មកមើលវីដេអូដ៏រំជួលចិត្ត ពេលក្រុមសង្គ្រោះរកឃើញក្មេងថៃ និងគ្រូបង្វឹក១៣នាក់នៅក្នុងរូងភ្នំ (មានវីដេអូ)
ចន្លោះមិនឃើញ
ក្មេងប្រុសថៃចំនួន ១២នាក់ រួមទាំងគ្រូបង្វឹកបាល់ទាត់ម្នាក់ ត្រូវបានគេរកឃើញគួរឲ្យរំជួលចិត្តបំផុត នៅក្នុងរូងភ្នំថាំហ្លួង ខេត្តឈៀងរ៉ាយ ប្រទេសថៃ បន្ទាប់ពីពួកគេបានបាត់ខ្លួនអស់រយៈពេល ៩ថ្ងៃ។
ពួកគេទាំង១៣នាក់ ត្រូវបានរកឃើញដោយអ្នកជ្រមុជទឹកជនជាតិអង់គ្លេស២នាក់ មានឈ្មោះថា Rick Stanton និង John Volanthen នៅលើទីទួលមួយកន្លែងក្នុងរូងភ្នំ បន្ទាប់ពីប្រតិបត្តិការស្វែងរកបានប្រព្រឹត្តិទៅយ៉ាងសស្រាក់សស្រាំអស់រយៈពេលជាច្រើនថ្ងៃ។
គួរបញ្ជាក់ឲ្យដឹងថា ពួកគេគឺនៅរស់រានមានជីវិតទាំងអស់គ្នា ខណៈបេសកកម្មបន្ទាប់គឺត្រូវនាំយកពួកគេចេញពីរូងភ្នំវិញដោយសុវត្ថិភាព ស្របពេលដែលកម្ពស់ទឹកក្នុងរូងភ្នំបានកើនឡើង និងមានការរំខានពីភក់ថែមទៀតផង។
គួររំលឹកឲ្យដឹងថា ក្រុមអ្នកជួយសង្គ្រោះបានសង្ឃឹមថា នឹងអាចស្វែងរកឃើញពួកគេនៅលើទីទួលណាមួយនៅតំបន់ Pattaya Beach ក្នុងរូងភ្នំខាងលើ ប៉ុន្តែចុងក្រោយបែរជារកឃើញនៅចម្ងាយ៤០០ម៉ែត្រពីទីនោះ ដោយសារពួកគេបានរត់ឡើងទៅលើទួលខ្ពស់ជាងមួយកន្លែងទៀត ដើម្បីគេចពីទឹក៕
សូមទស្សនាវីដេអូនៅពេលក្រុមអ្នកជួយសង្គ្រោះរកឃើញអ្នកទាំង១៣នាក់នោះ៖