ស្ងាត់ៗ ទ្រី តារាវុធ ទម្លាយរូបបង្អួតល្វែងលើដាក់គ្នាជាមួយ យ៉ែម ស្រីពេជ្រ

2018-07-03 03:08:15
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបបញ្ចេញល្វែងលើដាក់គ្នា រវាងតារាស្រីសម្តីចាក់ទឹកមិនលេច កញ្ញា យ៉ែម ស្រីពេជ្រ និង កំលោះសង្ហា ទ្រី តារាវុធ ត្រូវបានភាគីខាងប្រុសផ្ញើមកកាន់ Sabayជាច្រើនសន្លឹកនៅព្រឹកនេះ រូបភាពទាំងនោះពួកគេមិនធ្លាប់ទម្លាយជាសាធារណៈឲ្យអ្នកគាំទ្ររបស់ពួកគេបានដឹងឡើយ ទោះបីជារូបភាពទាំងនោះបានថតជាយូរណាស់មកហើយក្ដី។

កំលោះសង្ហា ទ្រី តារាវុធ ប្រាប់ថា ពួកខ្លួនបានថតរូបទាំងនេះជាយូរណាស់មកហើយ គ្រាដែលអ្នកទាំងពីរថតរឿងជាមួយគ្នា ប៉ុន្តែមិនធ្លាប់បង្ហោះលើបណ្ដាញសង្គមនោះទេ។លោកថា មិនមែនជាការថតស្ប៉តពាណិជ្ជកម្ម ឬជាការថតឲ្យទស្សនាវដ្ដីណាមួយឡើយ គឺការថតនោះ គ្រាន់តែជាការថតទុកជាអនុស្សាវរីយ៍ និងប្រើប្រាស់ ពេលដែលអ្នកដឹកនាំសម្ដែង ត្រូវការរូបបែបសិចស៊ីប៉ុណ្ណោះ។

តាមរយៈរូបភាពនេះអ្នកទាំងពីរហាក់ដូចជាស្និទ្ធស្នាលជាមួយគ្នាខ្លាំង ឬអាចមានអ្វីលើសពីដៃគូសិល្បៈក៏ថាបាន ត្បិតអីពួកគេហ៊ានដល់ចំហល្វែងលើថតកៀកគ្នាបែបនេះ ប៉ុន្តែតាមការបញ្ជាក់ពីតួឯករឿង កំណត់ហេតុនាងនាថ រូបនេះ ទំនាក់ទំនងអ្នកទាំងពីរ គ្រាន់តែជាមិត្តភ័ក្ដិនឹងគ្នាប៉ុណ្ណោះ ពុំមែនជាស្នេហាជាមួយគ្នានោះឡើយ។

ជាមួយនឹងការបញ្ចេញរូបសិចស៊ីទាំងប៉ុន្មានខាងលើ កំលោះសង្ហា ទ្រី តារាវុធ បានប្រកាសទៅដល់អ្នកដឹកនាំសម្ដែងទាំងអស់ថា ខ្លួនមិនខ្លាចក្នុងការថតរូបភាពបែបសិចស៊ីនោះឡើយ ទោះបីជាកន្លងមកលោកមិនធ្លាប់ដោយ។ លោកថា ទោះការថតនោះមានប្លង់ត្រូវស្រាតខោអាវចេញទាំងអស់ក៏មិនខ្លាចដែរ ត្បិតអីលោកជឿជាក់លើអ្នកដឹកនាំសម្ដែង សុទ្ធតែមានហេតុផល និង មានវិធីក្នុងការធ្វើ។

លោក ទ្រី តារាវុធ គឺជាអតីត Freshieលេខ១ ឆ្នាំ ២០១៦ ក្រៅពីការសម្ដែងរឿង និងថតស្ប៉តពាណិជ្ជកម្មតារាសម្ដែងរូបនេះក៏ធ្លាប់ធ្វើពិធីករផងដែរ។ ចំពោះការថតភាពយន្តវិញ ទ្រី តារាវុធ ប្រាប់ថា ខ្លួនធ្លាប់បានសម្ដែងរឿងជាច្រើនរឿងមកហើយ ក្នុងនោះមានរឿង "ក្រមុំ៣១កំលោះ៥២",រឿង"កំណត់ហេតុនាងនាថ",រឿង"សរសេរកន្លោង",រឿង "និស្ស័យបងប្អូន"និង រឿង "ភូមិគ្រឹះជំពាក់ស្នេហ៍"ជាដើម៕

អត្ថបទៈ ស៊ុនហួត