Arsenal យកបានខ្សែការពារសម្បូរបទពិសោធន៍ម្នាក់ពី Dortmund
- 2018-07-03 03:27:45
- ចំនួនមតិ 0 | ចំនួនចែករំលែក 0
Arsenal យកបានខ្សែការពារសម្បូរបទពិសោធន៍ម្នាក់ពី Dortmund
ចន្លោះមិនឃើញ
ក្លឹបកាំភ្លើងធំ Arsenal បានបំពេញលក្ខខណ្ឌរួចរាល់ទិញយកកីឡាករសញ្ជាតិក្រិក Sokratis Papastathopoulos ពី Borussia Dortmund ក្នុងតម្លៃ២០លានផោន។
ខ្សែការពារវ័យ៣០ឆ្នាំ ដែលលេងឲ្យជម្រើសជាតិបាន៧៩ប្រកួតគឺជាគោលដៅមួយរបស់លោក Unai Emery ដែលជាអ្នកជំនួសកន្លែងរបស់ Arsène Wenger។ Papastathopoulos បានចុះកុងត្រារយៈពេលវែងជាមួយ Arsenal និងក្លាយជាកីឡាករទី៣ដែល Unai Emery នាំយកក្នុងរដូវកាលនេះ បន្ទាប់ពីទិញបានអ្នកចាំទីអាល្លឺម៉ង់ Bernd Leno ពី Bayer Leverkusen និងខ្សែការពារ Stephan Lichtsteiner ពី Juventus ដោយគ្មានតម្លៃខ្លួន។
Papastathopoulos បង្ហាញខ្លួនឲ្យ Dortmund បាន១៨៦ប្រកួត ជួយក្លឹបឈ្នះពាន DFB-Pokal ម្ដងនិង DFL-Supercup។ មុននឹងមកដល់ទឹកដីអាល្លឺម៉ង់គេធ្លាប់ជាអតីតកីឡាកររបស់ក្លឹប Werder Bremen, Genoa, AC Milan និង AEK Athens៕