កូនប្រុស គង់ សុជាតិ ជាមួយប្ដីមុន មើលមួយភ្លែតច្រឡំ គង់ សង្វាដានី

2018-07-03 08:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនប្រុសពិធីការិនី គង់ សុជាតិ ជាមួយប្ដីមុនពេញកំលោះស្ដូក រីឯមុខមាត់វិញមើលមួយភ្លែតច្រឡំថា តារាចម្រៀង គង់ សង្វាដានី ត្រូវជាឪពុកមា។

ជាក់ស្ដែងថ្មីៗនេះរូបថតមួយសន្លឹក ដែលកូនប្រុស គង់ សុជាតិ ថត Selfie ក្នុងពិធីខួបកំណើតមួយជាលក្ខណៈក្រុមគ្រួសារ ដែលមានលោក គង់ សង្វាដានី ទៅចូលរួមដែរនោះ បានធ្វើឲ្យហ្វេនៗមួយចំនួននាំគ្នានិយាយថា៖" ម្នាក់កាន់ទូរស័ព្ទ Selfie ហ្នឹងកូនប្រុសបង សុជាតិ តើស្មានតែ ដានី ប្អូនប្រុសគាត់ តែតាមពិត ដានី នៅអង្គុយខាងក្រោយសោះ។ ពូក្មួយគេមុខស្រដៀងគ្នាណាស់"។

កូនប្រុស គង់ សុជាតិ(ឆ្វេង) និង គង់ សង្វាដានី(ស្ដាំ)

មិនមែនតែហ្វេនៗទេ ដែលមើលកូនប្រុសច្បងអ្នកនាង គង់ សុជាតិ ថាជា គង់ សង្វាដានី នោះសូម្បីតែអ្នកសិល្បៈមួយចំនួនក៏នៅតែច្រឡំដែរ។ គ្រាន់តែថាកូនប្រុសពិធីការិនីរូបនេះ មានមាឌធំខ្ពស់ជាងឪពុកមាបន្តិច។

កូនប្រុសច្បង គង់ សុជាតិ ជាមួយប្ដីមុនមានឈ្មោះ ម៉ៅ សាលភាពបុត្រ បានបញ្ចប់បរិញ្ញាបត្រ គ្រប់គ្រងពាណិជ្ជកម្ម នៅសាកលវិទ្យាល័យ RAFFLES នៃប្រទេសថៃ កាលពីឆ្នាំ២០១៦ កន្លងទៅ។