កូឡុំប៊ីរំពឹងកែប្រែប្រវត្តិសាស្ត្រ ព្រោះជួបអង់គ្លេសមិនដែលឈ្នះសោះ

ចន្លោះមិនឃើញ

យប់នេះជាការប្រកួតបញ្ចប់វគ្គ១៦ក្រុមចុងក្រោយ ដើម្បីរក២ក្រុមទៀតឡើងទៅវគ្គ៨ក្រុមចុងក្រោយ។ សម្រាប់រាត្រីនេះក៏មិនខុសពីរាល់ដង គឺមាន២គូត្រូវប្រកួត។

ដោយសារតែការប្រកួតរវាង កូឡុំប៊ី និង អង់គ្លេស មានការចាប់អារម្មណ៍ខ្លាំង ដូច្នេះសូមបង្ហាញព័ត៌មាននៃក្រុមទាំងពីរ៖

ព័ត៌មានក្រុមទាំងពីរ

Dele Alli របស់អង់គ្លេសបានត្រលប់ជាពីរបួសវិញ ក្រោយខកខានប្រកួតក្នុងពូលជាមួយប៉ាណាម៉ានិងបែលហ្ស៊ិក
Gareth Southgate គ្រូរបស់អង់គ្លេសនឹងហៅកីឡាករល្អៗដែលសម្រាកកាលប្រកួតជាមួយបែលហ្ស៊ិកឲ្យចូលលេងយប់នេះ
James Rodriguez មិនទាន់ប្រាកដអាចចូលលេងបាន ក្រោយរបួសក្នុងណាត់ចុងក្រោយក្នុងពូលជាមួយសេណេហ្គាល់
ខ្សែបម្រើ Wilmar Barrios របស់កូឡុំប៊ីទំនងអាចលេងបានយប់

ប្រវត្តិជួបគ្នា

អង់គ្លេសមិនដែលចាញ់សោះ ក្នុងជំនួបជាមួយកូឡុំប៊ី៥ប្រកួត ពោលឈ្នះ៣ ស្មើ២
ក្រុមទាំងពីរធ្លាប់ប៉ះគ្នានៅ World Cup ម្ដងក្នុងឆ្នាំ១៩៩៨ ក្នុងពូល កាលនោះអង់គ្លេសឈ្នះ ២-០ Darren Anderton និង David Beckham រកបានម្នាក់១គ្រាប់

រឿងត្រូវដឹងពីក្រុមកូឡុំប៊ី

នេះជាលើកទៅ៣ហើយ ដែលក្រុមមកពីអាមេរិកខាងត្បូងបានឡើងមកវគ្គចាញ់ធ្លាក់
ពួកគេមិនដែលចាញ់ឡើយ ពេលលេងទល់នឹងក្រុមមកពីអឺរ៉ុប ចាប់តាំងពីលោក Jose Pekerman ចូលដឹកនាំនៅឆ្នាំ២០១២ (ឈ្នះ៦ ស្មើ២)
២១ប្រកួតរបស់កូឡុំប៊ីនៅ World Cup តែងបញ្ចប់ដោយមានគ្រាប់បាល់

រឿងត្រូវដឹងពីក្រុមអង់គ្លេស

អង់គ្លេសឈ្នះតែ២ប្រកួតប៉ុណ្ណោះនៃ៨ប្រកួតចុងក្រោយរបស់ពួកគេនៅវគ្គចាញ់ធ្លាក់ក្នុង World Cup
ពួកគេឈ្នះនៅវគ្គចាញ់ធ្លាក់ចុងក្រោយលើក្រុមមកពីអាមេរិកខាងត្បូង។ ពេលនោះឈ្នះអេក្វាឌ័រ ១-០ នៅវគ្គ១៦ក្រុមចុងក្រោយ
Harry Kane លេងទើបតែបាន១៥៣នាទី តែគេរកបាន៥គ្រាប់បាត់ទៅហើយ
ប្រសិន Kane អាចរកគ្រាប់បាល់បានយប់នេះ គេនឹងក្លាយជាកីឡាករដំបូងដែលអាចរកបានគ្រាប់បាល់ក្នុងការបង្ហាញខ្លួន៦ប្រកួតជាប់គ្នាសម្រាប់អង់គ្លេស ចាប់តាំងពី Tommy Lawton ធ្លាប់ធ្វើបាននៅឆ្នាំ១៩៣៩
នេះគឺជាការជួបក្រុមមកពីអាមេរិកខាងត្បូងលើកទី១៨របស់អង់គ្លេស។ ១៧ប្រកួតកន្លងទៅឈ្នះ៨ ស្មើ៣ ចាញ់៦៕