ច្បាស់ឲ្យក្រឡែតក្នុងជីវិត សុខ សោម៉ាវត្តី មិនអាចខ្វះ លីវ៉ា ហេទ

2018-07-04 08:01:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាកន្លងមក សុខ សោម៉ាវត្តី ធ្លាប់បដិសេធមិនទទួលស្គាល់ទំនាក់ទំនងនាង និង កីឡាករបាល់ទាត់ លី វ៉ាហេទ ថាជាស្នេហាក្ដី ប៉ុន្តែភាពស្និទ្ធស្នាលអ្នកទាំងពីរអាចស៊ីជម្រៅលើសពីមិត្ត។

ជាក់ស្ដែងថ្មីៗនេះអ្នកមេម៉ាយចាយរាង សុខ សោម៉ាវត្តី បានបង្ហោះរូបសាមញ្ញមួយសន្លឹកតែផ្អែមល្ហែមជាទីបំផុតជាមួយ លី វ៉ាហេទ ដល់ថ្នាក់ធ្វើឲ្យហ្វេនៗ និងមិត្តភ័ក្ដិសិល្បៈមួយចំនួនលួចច្រណែននាង ទៀតផង។រីឯសារមួយឃ្លាតួឯកស្រីក្នុងរឿង"ខូចចិត្តអាជីព" ភ្ជាប់ជាមួយរូបថតមានអត្ថន័យថា៖" ពេលចូលនៅផ្ទះថ្មីចង់បានរូបមួយហ្នឹងតាំងនៅក្នុងបន្ទប់ លី វ៉ាហេទ ចាត់ការឲ្យផង Brother”។

សូម្បីតែ លីវ៉ា ហេទ ទៅប្រកួតបាល់ទាត់នៅប្រទេសសិង្ហបុរី ក៏តារាសម្ដែងរូបនេះឆ្លៀតពេលទៅគាំទ្រ និងចាំផ្ដល់កម្លាំងចិត្តឲ្យទៀតផង។ ក្រៅពីនេះអ្នកទាំងពីតែងតែបង្ហាញសកម្មភាពផ្អែមល្ហែមជាមួយគ្នាជាញឹកញាប់ទាំងក្នុង និងក្រៅប្រទេស។ ពិសេសនៅតំបន់ឆ្នេរសមុទ្រ និងទឹកដីអង្គរជាដើម។

សកម្មភាព និងទង្វើទាំងអស់នេះអាចបញ្ជាក់បានថា ក្នុងជីវិត សុខ សោម៉ាវត្តី មានអាចខ្វះ លី វ៉ាហេទ បានឡើយ។ សូម្បីតែកូននាង ក៏ស្រឡាញ់ស្រឡាញ់ចូលចិត្តកីឡាករបាល់ទាត់រូបនេះខ្លាំងទៀតផង៕

អត្ថបទ៖ ឆុង ស៊ីណាន