ល្បីថា Barca ចង់ថែម Paulinho ជាថ្នូរប្ដូរយក Willian ពី Chelsea
- 2018-07-04 07:37:24
- ចំនួនមតិ 0 | ចំនួនចែករំលែក 0
ល្បីថា Barca ចង់ថែម Paulinho ជាថ្នូរប្ដូរយក Willian ពី Chelsea
ចន្លោះមិនឃើញ
ក្លឹប Barcelona នឹងដាក់សំណើតម្លៃទៅកាន់ Chelsea ម្ដងទៀត ព្រមទាំងថែម Paulinho ដើម្បីផ្នែកមួយដោះដូរយកខ្សែបម្រើល្បឿនលឿន Willian។ នេះតាមការឲ្យដឹងពីសារព័ត៌មាននៅប្រទេសអេស្ប៉ាញ។
ក្រុមតោខៀវ Chelsea ត្រូវបានគេរាយការណ៍ថា ធ្លាប់ច្រានចោលសំណើ៥០លានផោនរបស់ Barca ក្នុងការផ្ទេរយក Willian ដោយពួកគេចង់បាន៧០លានផោន។ Barca នឹងមិនហ៊ានចំណាយច្រើនបែបនេះទេ តែកាសែតអេស្ប៉ាញ Mundo Deportivo ចុះថា ម្ចាស់ជើងឯក La Liga មួយនេះនឹងត្រៀម ថែម Paulinho ដើម្បីជាថ្នូរនៃការផ្ទេរ។
សម្រាប់ Chelsea ហាក់មិនចង់ឲ្យ Willian ដើរចេញសោះ ព្រោះ២រដូវកាលចុងក្រោយ កីឡាករប្រេស៊ីលរូបនេះជាតួសំខាន់សម្រាប់ក្លឹប។ Willian និង Paulinho គឺជាមិត្តរួមជាតិប្រេស៊ីលជាមួយគ្នា។ បច្ចុប្បន្នពួកគេកំពុងជួយជម្រើសជាតិនៅព្រឹត្តិការណ៍ World Cup៕