បណ្ដុំរូបថតដឹកលើសកម្រិត និងខុសបច្ចេកទេស

2018-07-05 00:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តើមានរូបអ្វីប្លែកសម្រាប់សប្តាហ៍នេះ! សប្តាហ៍នេះ ព័ត៌មានរូបថត មានរូបចំនួន ៧សន្លឹកដែរបង្ហាញពីសកម្មភាពដឹកអីវ៉ាន់ខុសបច្ចេកទេស និងលើសកម្រិតរបស់បងប្អូនប្រជាពលរដ្ឋកម្ពុជា។

១. ម៉ូតូឌុបកំពុងដឹកបន្លែនៅតាមបណ្ដោយមហាវិថីព្រះមុនីវង្សម្ដុំវិទ្យាល័យបឹងត្របែក។ បន្លែនៅលើម៉ូតូទាំងនេះគឺជាបន្លែយកចេញពីផ្សារដើមគរ ដោយត្រូវយកទៅលក់បន្តនៅផ្សារច្បារអំពៅ។

២. បុរសម្នាក់កំពុងជិះម៉ូតូដឹកអង្ករនៅរង្វង់មូលវិមានឯករាជ្យ។ បើមើលនៅក្នុងរូបនេះបុរសនេះហាក់ដូចជាមានជំនាញក្នុងការដឹកខ្លាំងណាស់ ដោយនៅលើគាត់ដឹកបានរហូតដល់៨បេ។ ជាទូទៅអង្ករ១បេមានទម្ងន់៥០គីឡូក្រាម ដូច្នេះ៦បេស្នើនឹង ៤០០គីឡូក្រាម។

៣. ស្ត្រីម្នាក់កំពុងដឹកបន្លែចេញពីចម្ការរបស់ខ្លួនយកទៅលក់នៅទីផ្សារក្នុង ភូមិស្រង់ ស្រុកគងពិសី ខេត្តកំពង់ស្ពឺ។ នៅផ្នែកខាងក្រោយ ផ្ទុកដោយបន្លែដែលកាត់មកពីចម្ការ និងខាងមុខមានក្មេងស្រីម្នាក់កំពុងជិះនៅរានម៉ូតូ។

៤. យុវជន ២នាក់កំពុងជិះដឹកគ្នានៅតាមបណ្ដោយមហាវិថីព្រះនរោត្តម។ នៅផ្នែកខាងក្រោយមានផ្ទុកធុងហ្គាសព្រមទាំងមានមនុស្សអង្គុយនៅពីលើ។

៥.ខ្នងត្រង់ផ្អែកនឹងឡាំងស្នោ ក្បាលពោះទល់នឹងក្បាលម៉ូតូ ដៃទាំងគូរប្រឹងកាច់ចង្កូត។ នេះជាសកម្មភាពរបស់បុរសម្នាក់កំពុងដឹកអីវ៉ាន់យ៉ាងសំពីងសំពោងនៅតាមបណ្ដោយមហាវិថីព្រះមុនីវង្សត្រង់ចំណុចស្តុបពេទ្យចិន។