David និង Victoria Beckham ប្រារព្ធខួបរៀបការគម្រប់ ១៩ ឆ្នាំយ៉ាងផ្អែមល្ហែម
- 2018-07-05 03:30:03
- ចំនួនមតិ 0 | ចំនួនចែករំលែក 0
David និង Victoria Beckham ប្រារព្ធខួបរៀបការគម្រប់ ១៩ ឆ្នាំយ៉ាងផ្អែមល្ហែម
ចន្លោះមិនឃើញ
តារាម៉ូដែល Victoria Beckham និង ស្វាមី បានចំណាយពេលដ៏មានន័យរបស់ពួកគេញ៉ាំអាហារពេលល្ងាចជាមួយគ្នាយ៉ាងផ្អែមល្ហែម ដើម្បីប្រារព្ធខួបគម្រប់ ១៩ ឆ្នាំនៃជីវិតអាពាហ៍ពិពាហ៍ជាមួយគ្នា។
គូស្នេហ៍មួយគូនេះ បានអរគុណចំពោះគ្នាទៅវិញទៅមក ដោយការចែកចាយរូបភាពដូចគ្នាលើគណនី Instagram របស់ពួកគេរៀងៗខ្លួន។ រូបភាពមួយសន្លឹកនោះ ជារូបរបស់តារាទាំង២រូបនេះ អង្គុយនៅតុអាហារមួយ ដោយតារាម៉ូដែល Victoria ដាក់ដៃរបស់នាងលើដៃរបស់ David មើលទៅពោរពេញទៅដោយក្ដីស្រឡាញ់។
ចំពោះរូបខាងលើនេះដែរ តារាម៉ូដែល Victoria បានសរសេរពាក្យពេចន៍ផ្ហែមល្ហែមខាងក្រោមនោះថា៖ "១៩ ឆ្នាំហើយ!!! ខ្ញុំស្រឡាញ់បងខ្លាំងណាស់"។ ងាកមក អតីតកីឡាករបាល់ទាត់ដ៏ល្បីវិញនោះ ក៏មិនចាញ់ភរិយារបស់លោកប៉ុន្មាននោះដែរ ជាមួយការបង្ហោះរូបដូចគ្នានេះដែរ លោកបានសរសេរថា៖ "១៩ ឆ្នាំហើយ wow... នៅពេលនេះ បើកាលពី១៩ឆ្នាំមុនវិញ ខ្ញុំស្លៀកពាក់ឈុតពណ៌ស្វាយតាំងពីក្បាលដល់ចុងជើង។ រីករាយខួបអាពាហ៍ពិពាហ៍ចំពោះប្រពន្ធ និងអ្នកម៉ាក់ដ៏អស្ចារ្យ ស្រឡាញ់អូន"៕