Klopp ចូលរួមផ្ញើសារលើកទឹកចិត្តក្មេងៗថៃ ដែលកំពុងជាប់ក្នុងរូងភ្នំ

2018-07-06 06:47:08
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីព័ត៌មានល្បីទូទាំងពិភពលោក អ្នកចាត់ការរបស់ក្លឹបហង្សក្រហម Liverpool លោក Jurgen Klopp បានផ្ញើសារលើកទឹកចិត្តនិងជូនពរដល់កុមារថៃទាំង១២និងគ្រូបង្វឹកម្នាក់ដែលកំពុងជាប់ក្នុងរូងភ្នំថាំហ្លួង។

ក្នុងវីដេអូផ្ញើដែលអ្នកចាត់ការសញ្ជាតិអាល្លឺម៉ង់ផ្ញើទៅកាន់ CNN លោកបាននិយាយថា៖ "តាំងនាមនៃគ្រួសារ LFC ទាំងអស់ ពួកយើងជូនពរអ្នកចេញពីដួងចិត្តរបស់ពួកយើង។ ត្រូវរឹងមាំ ពួកយើងនៅជាមួយអ្នកជានិច្ច។ ពួកយើងកំពុងតាមដានគ្រប់ព័ត៌មានទាំងអស់ និងសង្ឃឹមរាល់វិនាទីថា អ្នកនឹងឃើញពន្លឺថ្ងៃម្ដងទៀត"។

ក្រៅពី Jurgen Klopp ខ្សែការពាររបស់ Man Cityកីឡាករ John Stones ក៏សង្ឃឹមថា មនុស្សជាប់ក្នុងរូងភ្នំទាំងអស់នឹងអាចចេញដោយសុវត្ថិភាពផងដែរ។ មកទល់ពេលនេះកុមារថៃទាំង១២និងគ្រូបង្វឹកម្នាក់ត្រូវបានរកឃើញ និងកំពុងបន្តរងវិធីសោះរំដោះពួកគេចេញពីរូងភ្នំ។

ស្របពេលព័ត៌មានព្រឹកមិញមានដំណឹងថា អតីតអ្នកជ្រមុជទឹកនៃកងទ័ពជើងទឹកថៃម្នាក់ ដែលបានចូលរួមក្នុងប្រតិបត្តិការដើម្បីសង្គ្រោះក្មេងៗ រួមទាំងគ្រូបង្វឹករបស់ពួកគេ នៅក្នុងរូងភ្នំថាំហ្លួង នៃខេត្តឈៀងរ៉ាយ បានស្លាប់បាត់បង់ជីវិតពេលកំពុងធ្វើការ៕