ក្រុមសង្គ្រោះសម្រេចខួងភ្នំថាំហ្លួង ១០០កន្លែង ដើម្បីជួយក្មេងទាំង១៣ ឯលទ្ធផល...
- 2018-07-07 06:58:19
- ចំនួនមតិ 0 | ចំនួនចែករំលែក 0
ក្រុមសង្គ្រោះសម្រេចខួងភ្នំថាំហ្លួង ១០០កន្លែង ដើម្បីជួយក្មេងទាំង១៣ ឯលទ្ធផល...
ចន្លោះមិនឃើញ
បើយោងតាមប្រធានក្រុមជួយសង្គ្រោះ បានឲ្យដឹងនាថ្ងៃសៅរ៍នេះថា គេកំពុងខួងភ្នំពីផ្នែកខាងលើជាង ១០០កន្លែង ដើម្បីជួយសង្គ្រោះក្រុមបាល់ទាត់ និងគ្រូបង្វឹកដែលជាប់ក្នុងរូងភ្នំថាំហ្លួង អស់រយៈពេលជាង២សប្តាហ៍មកហើយ។
កិច្ចខិតខំប្រឹងប្រែងជួយសង្គ្រោះមិនធ្លាប់មានពីមុនមកនេះ កំពុងតែព្យាយាមបង្កើតផ្លូវថ្មី ដើម្បីនាំយកក្មេងៗទាំងនោះពីខាងលើតែម្ដង ប្រសិនបើរូងភ្នំត្រូវទឹកជន់លិច ស្របពេលដែលគេទទួលស្គាល់ថា ការជម្លៀសពួកគេដោយការជ្រមុជទឹក គឺប្រថុយប្រថានខ្លាំង។
លោក Narongsak Osottanakorn បានប្រាប់ក្រុមអ្នកយកព័ត៌មានថា «កន្លែងខ្លះត្រូវបានខួងជម្រៅ ៤០០ម៉ែត្រ ប៉ុន្តែពួកគេនៅតែមិនអាចរកឃើញទីតាំងនៃក្មេងទាំងនោះ»។ លោក បានបន្ថែមថា បេសកកម្មនេះគឺខ្វះជំនួយពីបច្ចេកវិទ្យា ដើម្បីបញ្ជាក់ពីទីកន្លែងជាក់លាក់ ដែលពួកគេកំពុងស្នាក់នៅ។
«យើងប៉ាន់ប្រមាណថា ពួកគេនៅជម្រៅ ៦០០ម៉ែត្រ ប៉ុន្តែយើងមិនដឹងច្បាស់ពីទីតាំងពិតប្រាកដនោះទេ» លោក Osottanakorn បានឲ្យដឹងយ៉ាងដូច្នេះ៕