បុត្រាស្តេចថៃ សរសេរសារជូនពរជាភាសាអាល្លឺម៉ង់ ដល់ក្មេងទាំង១៣ជាប់ក្នុងរូងភ្នំ

2018-07-07 07:36:53
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងលិខិតមួយដែលសរសេរដោយហត្ថបុត្រាស្ដេចថៃផ្ទាល់ បានជំរុញឲ្យកីឡាករ និងគ្រូបង្វឹកនៃក្រុមបាល់ទាត់ជ្រូកព្រៃទាំង១៣នាក់ ដែលបានជាប់នៅក្នុងរូងភ្នំថាំហ្លួង រឹងប៉ឹង ហើយអរគុណដល់អ្នករាល់គ្នា ដែលពាក់ព័ន្ធក្នុងការជួយសង្គ្រោះពួកគេទាំងនោះផងដែរ។

ស្តេចថៃបច្ចុប្បន្ន Vajiralongkorn និង ព្រះបុត្រា Dipangkorn Rasmijoti ថតក្នុងឆ្នាំ២០១២

កាតដែលសរសេរដោយផ្ទាល់ពីព្រះបុត្រា Dipangkorn Rasmijoti ត្រូវបានចេញផ្សាយជាសាធារណៈកាលពីថ្ងៃសុក្រ ទី០៦ ខែកក្កដា ឆ្នាំ២០១៨ កន្លងទៅនេះ។

ផ្នែកម្ខាងនៃកាតនោះ បង្ហាញឲ្យឃើញរូបដុំថតឈរបន្តុបគ្នាជាច្រើន ខណៈថ្មមួយដុំៗមានសរសេរអក្សរអាល្លឺម៉ង់នៅលើនោះថា ភាពក្លាហាន , សំណាង , សុភមង្គល , ជោគជ័យ , រីករាយ និង សុខភាពល្អ។

រីឯផ្នែកម្ខាងទៀតនៃកាត បុត្រាព្រះជន្ម១៣វង្សាអង្គនេះ បានសរសេរជាភាសាអាល្លឺម៉ង់ដែរថា៖ «អ្នកប្រាកដជាភ័យខ្លាចណាស់នៅពេលនេះ ប៉ុន្តែខ្ញុំតែងតែគិតពីអ្នកជានិច្ច។ ខ្ញុំពិតជាសប្បាយចិត្តណាស់ ដែលដឹងថាអ្នកទាំងអស់គ្នាមានសុវត្ថិភាព និងសុខភាពល្អ។ ខ្ញុំសូមអរគុណដល់អ្នកទាំងអស់គ្នាដែលបានជួយ ហើយខ្ញុំសង្ឃឹមថាបេសកកម្មនេះនឹងជោគជ័យ»៕