មានបញ្ហាលើ Macbook Apple ណែនាំវិធី មុនត្រូវ Reset SMC

2018-07-08 01:26:36
ចំនួនមតិ 0 | ចំនួនចែករំលែក 0

ចន្លោះមិនឃើញ

System Management Controller (SMC) ទទួលខុសត្រូវលើមុខងារមួយចំនួនលើកុំព្យូទ័រ Mac បំពាក់ Chip Intel។ SMC ឆ្លើយតបនឹងសកម្មភាពពេលចុចប៊ូតុង Power, បង្ហាញទិដ្ឋភាព ពេលបិទ ឬបើកគម្រប Macbook, Sudden Motion Sensor (SMS), ពន្លឺភ្លឺពីក្រោយ Keyboard និងការងារមួយចំនួនទៀត។

បញ្ហាទូទៅកើតមាន ត្រូវការ Reset SMC

កង្ហារដំណើរការល្បឿនខ្ពស់ សូម្បីប្រើត្រឹមកម្មវិធីធម្មតាៗ
ពន្លឺភ្លើងក្រោម Keyboard បង្ហាញមិនប្រក្រតី
ម៉ាស៊ីន Mac មិនឆ្លើយតបសកម្មភាព ពេលចុចប៊ូតុង Power
Macbook មិនឆ្លើយតបសកម្មភាព ប្រក្រតី ពេលបិទ ឬបើកគម្រប
ថ្មសាកមិនប្រក្រតី
MacBook សាកមិនចូលតាមរន្ធ USB-C
MacBook មិនស្គាល់ Device ក្រៅពេលភ្ជាប់តាមរន្ធ USB-C។
អំពូល LED លើដុយសាក MagSafe Power Adapter មិនបង្ហាញពណ៌ត្រឹមត្រូវ។
ម៉ាស៊ីន Mac ដំណើរការយឺតខ្លាំងខុសធម្មតា។

មុនពេល Reset SMC

១) បើ Mac គាំងមិនដើរ អាចចុចប៊ូតុង Power ឲ្យជាប់រហូតដល់រលត់។ នេះនឹងធ្វើឲ្យបាត់បង់ការងារមួយចំនួនមិនទាន់បានរក្សាទុកក្នុងកម្មវិធីណាមួយ។ រួចចុចប៊ូតុង Power ម្ដងទៀត បើកដំណើរការ Mac។

២) ចុចប៊ូតុង Command + Option + Escape រួចចុច Force Quit ដើម្បីបង្ខំបិទកម្មវិធីណាមួយ ដែលគាំង។

៣) ឲ្យម៉ាស៊ីន Mac Sleep ដោយជ្រើសរើស Menu ត្រង់សញ្ញា Apple > Sleep រួចចុច Key ណាមួយ ដើម្បីដាស់កុំព្យូទ័រមកវិញ។

៤) បិទបើកម៉ាស៊ីន Mac ដោយជ្រើសរើស Menu ត្រង់សញ្ញា Apple > Restart។

៥) បិទម៉ាស៊ីន Mac ដោយជ្រើសរើស Menu ត្រង់សញ្ញា Apple > Shut Down រួចចុចប៊ូតុង Power ម្ដងទៀត ដើម្បីបើកប្រព័ន្ធ។

បើ Macbook មានបញ្ហាថ្ម អាចសាកល្បង៖

១) ដកដុយសាកចេញពី Mac និងប្រ៊ីភ្លើង ពីរ បីវិនាទី រួចដោតសាកវិញ។

២) ជ្រើសរើស Menu ត្រង់សញ្ញា Apple > Shut Down។

៣) ក្រោយម៉ាស៊ីនបិទ ដោះថ្មចេញ និងដាក់ចូលវិញ បើថ្មអាចដោះបាន។

៤) ចុចប៊ូតុង Power ម្ដងទៀត ដើម្បីបើកប្រព័ន្ធវិញ។

បើបញ្ហានៅតែមិនអាចដោះស្រាយបាន ប្រហែលត្រូវការ Reset SMC ហើយ។

របៀប Reset SMC លើ Macbook

បើថ្មមិនអាចដោះបាន

១) ជ្រើសរើស Menu ត្រង់សញ្ញា Apple > Shut Down

២) ក្រោយ Mac បិទ ចុច Shift + Control + Option នៅផ្នែកខាងឆ្វេង រួចចុចប៊ូតុង Power នៅពេលស្របគ្នា ដោយចុច Keys ទាំងនេះ និង ប៊ូតុង Power ឲ្យជាប់ប្រហែល ១០ វិនាទី

៣) ប្រលែង Keys បានចុចទាំងអស់។

៤) ចុចប៊ូតុង Power ម្ដងទៀតដើម្បីបើកប្រព័ន្ធ Mac។

បើថ្មអាចដោះបាន

១) បិទម៉ាស៊ីន Mac

២) ដោះថ្មចេញ។

៣) ចុចប៊ូតុង Power ឲ្យជាប់ប្រហែល ៥ វិនាទី

៤) ដាក់ថ្មចូលវិញ

៥) ចុចប៊ូតុង Power ដើម្បីបើកប្រព័ន្ធ។

របៀប Reset SMC លើ Mac Desktop

១) ជ្រើសរើស Menu ត្រង់ Apple > Shut Down។

២) ក្រោយម៉ាស៊ីនបិទ ដកដុយចេញពីប្រ៊ីភ្លើង។

៣) រង់ចាំ ១៥ វិនាទី។