រឿងពិតនៅពីក្រោយ បេនី យ៉ាំង ផ្ដាច់ខ្លួនពីសិល្បៈគ្មានស្ដាយស្រណោះអីបន្ដិច

2018-07-08 05:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងសិចស៊ី បេនី យ៉ាង បានឈប់ពីសិល្បៈទាំងស្រុងគ្មានស្ដាយស្រណោះអាឡោះអាល័យអ្វីសូម្បីបន្តិច ទោះបីជាមានផលិតកម្មជាច្រើនទាក់ទងឲ្យថតរឿងក៏ដោយតែត្រូវបាននាង បដិសេធមិនទទួលនោះទេ។

ជុំវិញហេតុផលនេះ បេនី យ៉ាំង រៀបរាប់ថា ដោយសារតែនាង គឺជាតារាស្រីមួយរូបចូលចិត្តការតុបតែងខ្លួនបែបសិចស៊ី មិនថាសម្ដែងក្នុងរឿង ឬ នៅក្រៅឡើយជានិច្ចកាល តែងតែស្លៀកពាក់ខើចលើខើចក្រោមបង្ហាញសម្រស់ដើមទ្រូង និងរន្ធផ្ចិត ដែលចំណុចទាំងអស់នេះល្មើស នឹងច្បាប់ដែលក្រសួងហាមឃាត់។

“ខ្ញុំជាតារាស្រី ចូលចិត្តស្លៀកពាក់សិចស៊ីដល់ពេលក្រសួង ចេញច្បាប់មកហាមមិនឲ្យអ្នកសិល្បៈស្លៀកពាក់សិចស៊ីហួសហេតុអ៊ីចឹងខ្ញុំក៏ឈប់សម្ដែងតែម្ដងទៅ ព្រោះខ្លាចក្រសួងហៅទៅព្រមាន ដូចអ្នកសិល្បៈយើងមួយចំនួន"។ បេនី យ៉ាំង បញ្ជាក់។

ម្យ៉ាងទៀតបច្ចុប្បន្ននេះ បេនី យ៉ាំង ជាប់រវល់ខ្លាំងជាមួយមុខជំនួញពីរស្ទើររកពេលសម្រាកគ្មានឲ្យមានពេលណាទៅគិតគូពីរឿងសិល្បៈ។ មុខជំនួញនាង មានដូចជាហាងថែរក្សាសម្ផស្ស និងភោជនីយដ្ឋានមួយទៀតទើបតែបើកសម្ពោធកាលពីពេលថ្មីៗនេះ៕

អត្ថបទ៖ ឆុង ស៊ីណាន