ទិដ្ឋភាព ឯកឧត្ដម លោកជំទាវ និងតារាល្បីៗចូលរួមបុណ្យ ១០០ថ្ងៃ វីតាមីនសេ ល្ងាចមិញ

2018-07-09 03:14:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ល្ងាចម្សិលមិញនេះតារាកំប្លែងអ្នកនាង ប៉េងប៉ោង និងក្រុមគ្រួសារបានរៀបចំពិធីបុណ្យ ១០០ថ្ងៃឆ្លងចេតិយ និងរូបសំណាកឲ្យលោក ម៉ៅ សាមឿន ហៅ តា វីតាមីនសេ ជាឪពុក នៅវត្តមកុដបុរី ដែលទទួលអនិច្ចកម្មកាលពីរំលងអាធ្រាត្រថ្ងៃទី២៩ ឈានចូល៣០ ខែ មីនា ឆ្នាំ ២០១៨។

អ្នកនាង ប៉េងប៉ោង ឲ្យដឹងថា ក្នុងពិធីបុណ្យ១០០ថ្ងៃ ឆ្លងចេតិយ និងរូបសំណាកឲ្យលោកឪពុកអ្នកនាង និងក្រុមគ្រួសារបានចំណាយថវិកាអស់ ៧ ០០០ ដុល្លារអាមេរិក ដើម្បីទទួលភ្ញៀវកិត្តិយសមានឯកឧត្ដមលោកជំទាវ ព្រមទាំងសិល្បករ សិល្បការិនីជាច្រើនរូបទៀត។

“កម្មវិធីនេះខ្ញុំធ្វើ ៥០តុដោយបានអញ្ជើញភ្ញៀវកិត្តិយស មានឯកឧត្ដម លោកជំទាវ សិល្បករ សិល្បការិនីមួយចំនួន។ អ្វីដែលខ្ញុំអរគុណខ្លាំងនោះទោះបីជាភ្លៀងខ្លាំងប៉ុណ្ណោះពួកគាត់នៅតែអញ្ជើញមកចូលរួមបុណ្យ ១០០ថ្ងៃលោកប៉ារបស់ខ្ញុំ នេះជាទឹកចិត្តមួយដែលពួកគាត់មានចំពោះក្រុមគ្រួសារនាងខ្ញុំមិនអាចបំភ្លេចបាន"។ អ្នកនាង ប៉េងប៉ោង បន្ថែម។