ប្រើត្រឹម Automatic mode ក៏អាចផលិតបានរូបភាពស្រស់ស្អាតដែរ
- 2018-07-10 02:29:24
- ចំនួនមតិ 0 | ចំនួនចែករំលែក 0
ប្រើត្រឹម Automatic mode ក៏អាចផលិតបានរូបភាពស្រស់ស្អាតដែរ
ចន្លោះមិនឃើញ
អ្នកជំនាញថតរូបជាច្រើន តែងតែជំរុញឲ្យអ្នកប្រើប្រាស់កុំពឹងផ្អែកលើមុខងារ Full Automatic mode។ តែដឹងទេ មុខងារនេះ ជួយសម្រួលការថតមិនតិចទេ ហើយលទ្ធផលចេញមកក៏មិនអន់ដែរ បើចេះប្រើត្រឹមត្រូវ។
ជាមួយមុខងារនេះ កាមេរ៉ានឹងជ្រើសប្រើ Settings ល្អបំផុត រួមមាន ISO, Aperture, Shutter Speed, Focus, White Balance និងសូម្បីតែប្រើ Flash ដោយខ្លួនឯង។
កាន់កាមេរ៉ាឲ្យនឹង ពេលថត កាមេរ៉ារង្គើអាចបណ្ដាលឲ្យរូបភាពព្រាល ត្រឹមបន្តិចបន្តួច ក៏អាចប៉ះពាល់ភាពច្បាស់ផងដែរ។ នេះកាន់តែសំខាន់ក្នុងស្ថានភាពខ្វះងងឹត ដោយកាមេរ៉ាបើកចំហ Shutter រយៈពេលយូរ ដើម្បីទទួលពន្លឺច្រើន។ កាមេរ៉ាថ្មី មួយចំនួន ផ្ដល់មុខងារទប់លំនឹងជួយកាត់បន្ថយភាពរង្គើ តែមិនឥតខ្ចោះនោះទេ។
ប្រើ Tripod៖ នេះមានប្រយោជន៍ អាចរក្សាលំនឹងកាមេរ៉ាបាន ហើយមានទំហំ ច្រើនសណ្ឋាន អាចជ្រើសប្រើ និងងាយស្រួលយកតាមខ្លួន។
កុំរង្គើខ្លួន៖ មុនពេល កំឡុងពេល និងក្រោយពេលចុចប៊ូតុងថត គួររក្សាដងខ្លួន ឲ្យនៅនឹងល្អ ដូចជាការផ្អែកខ្លួននឹងជញ្ជាំងជាដើម ដើម្បីជួយកាត់បន្ថយលទ្ធភាពព្រាល ដោយសារកាមេរ៉ាបន្តដំណើរការរូបភាព ក្រោយពេលចុចប៊ូតុងថត។
ប្រើមុខងារ Self-timer របស់កាមេរ៉ា៖ អាចប្រើមុខងារនេះ ឲ្យកាមេរ៉ាអនុវត្តការថតក្រោយរយៈពេល ២ ទៅ ៣ វិនាទី ដោយអាចប្រើរួមគ្នា ជាមួយ Tripod។
អបកាមេរ៉ានៅជិតខ្លួន៖ បើប្រើកាមេរ៉ាមានអេក្រង់ LCD អាចកាន់តួកាមេរ៉ាដៃពីរ រួចបង្រួមដៃចូលក្នុង ដើម្បីកាត់បន្ថយចលនារបស់ដងខ្លួន។
ផ្ដោតលើ Subject មុនពេលចុចប៊ូតុងថត ត្រូវផ្ដោតលើ Subject។
ចុចសង្កត់ពាក់កណ្ដាលឲ្យជាប់៖ អាចប្រាប់កាមេរ៉ាឲ្យ Focus លើ Subject ដោយចុចសង្កត់ពាក់កណ្ដាលលើប៊ូតុងថត ហើយពេលត្រៀមរួចរាល់ អាចចុចសង្កត់បន្ថែមពេញ ដើម្បីផ្ដិតយករូបភាព។ កុំប្រលែងការសង្កត់ប៊ូតុងថតពាក់កណ្ដាល លុះត្រាចង់ប្ដូរចំណុច Focus។
តម្រង់កាមេរ៉ាលើអ្វីចង់ Focus៖ កាមេរ៉ា មិនតែងតែដឹង ពីអ្វីត្រូវ Focus ក្នុងប្លង់នោះទេ។ វិធីល្អ គួរឲ្យ Subject នៅកណ្ដាលប្លង់ រួច Focus។ បន្ទាប់មកអនុវត្តតាមចំណុចខាងលើ (ចុចសង្កត់ពាក់កណ្ដាលឲ្យជាប់)។
មើលជាមុនលើចលនារបស់ Object កាមេរ៉ាភាគច្រើនចំពោះម៉ូដែលកម្រិតដំបូង មាន Autofocus យឺត ពិបាកចាប់យកទិដ្ឋភាព។ គួរកំណត់ Autofocus លើចំណុច ទីតាំង Object រំកិលដែលនឹងបញ្ចប់ រួចចុចថត ពេល Object ដល់ចំណុចនោះ។
ពង្រីក ឬអត់ ពេលថតមិនគួរពង្រីកទិដ្ឋភាពនោះទេ ដោយអាចចូលទៅកៀកនឹង Subject រួចថត ព្រោះអាចប៉ះពាល់ដល់លទ្ធផលរូបភាពបែក Pixel។
ប្រើ Scene mode Scene mode មិនមែន Manual controls នោះទេ ដែលប្រាប់កាមេរ៉ានៅប្រភេទស្ថានភាពថត ដូចជាពេលមានពន្លឺទាប, ក្រោមពន្លឺថ្ងៃត្រង់, Portrait និងទេសភាព។
កាមេរ៉ាមួយចំនួនអាចកែប្រែ Exposure compensation បើមាន គួរលេងជាមួយ កែប្រែលក្ខខណ្ឌពន្លឺ។
ចេះគ្រប់គ្រង Flash កាមេរ៉ាហាក់តែងតែបើកប្រើ Flash ពេលស្ថិតក្នុង Auto mode ទោះមិនចាំបាច់ក្ដី។ វិធីល្អដើម្បីដឹងពីសមត្ថភាពរបស់កាមេរ៉ា អាចសាកល្បងបាន ដោយថតរូបមួយចំនួនក្រោមលក្ខខណ្ឌផ្សេងៗ បិទ ឬបើក Flash។
ពេលស្ថានភាពងងឹត កាមេរ៉ាប្រហែលបើកប្រើ Flash បំពេញកង្វះពន្លឺ។ តែ ដើម្បីទទួលបានលទ្ធផលល្អ គួរបិទ Flash នឹងប្រើពន្លឺដែលមានក្នុងបន្ទប់ ដោយកាន់កាមេរ៉ាឲ្យនៅនឹង។ Flash ក៏ដំណើរការល្អ ពេលស្ថានភាពភ្លឺផងដែរ ជួយកាត់បន្ថយស្រមោល៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ