ការពារឲ្យទាន់ ប្រយ័ត្នមានគេលួចអានសារក្នុង Gmail បាន

2018-07-10 03:12:05
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Suzanne Frey ជានាយកផ្នែកសន្តិសុខរបស់ Google បានសរសេរក្នុងប្លុកថា គ្មាននរណាម្នាក់នៅក្រុមហ៊ុន Google អាចអានសារក្នុង Gmail បានទេ។ តែរបាយការណ៍ថ្មីពី Wall Street Journal បង្ហាញថា មានកម្មវិធីដទៃទៀត (Third-party) ដែលអាចចូលទៅអានសារក្នុង Gmail របស់អ្នកប្រើប្រាស់។

ជំនួសឲ្យការបដិសេធពីការចូលរបស់កម្មវិធីដទៃទៀត (Third-party) ប្លុករបស់ Google បានផ្ដល់ជាជម្រើសអាចរក្សាអ៊ីមែលស្ថិតជា Private បាន។

ទី១

បើកប្រព័ន្ធ Gmail > ចុចលើរូបភាព Profileនៅជ្រុងស្ដាំខាងលើ។

ទី២

ចុចលើ My Account រួចនឹងចូលទៅកាន់ទំព័រ Settings។

ទី៣

ត្រង់ទំព័រ Settings ពិនិត្យក្រោមផ្នែក Sign-in & security នៅខាងឆ្វេង រួចចុចលើ Apps with account access។

ទី៤

ត្រង់នេះ នឹងឃើញបញ្ជីកម្មវិធីជាច្រើន។ ចុចលើតំណភ្ជាប់ Manage Apps ដើម្បីចូលទៅមើលសិទ្ធិប្រើប្រាស់កម្មវិធី។

ទី៥

នៅក្បែរកម្មវិធីនីមួយៗ មានបង្ហាញផ្នែកណាមួយដែលបានចូលប្រើក្នុងគណនី Google របស់អ្នក។ បើប្រើ Android device ប្រហែលឃើញហ្គេម និងកម្មវិធីត្រឹមចូលប្រើគណនី Google Play Account។

បើឃើញមានឃ្លា Has full access to your Google Account ក្នុងនោះប្រហែលមានទាំងអ៊ីមែលលើ Gmail។ នេះមានន័យថាកម្មវិធីប្រហែលមានសិទ្ធអាចស្កេនអ៊ីមែល។

ទី៦

ពេលឃើញ ឬចង់បញ្ឈប់សកម្មភាពស្កេនអ៊ីមែលនេះ គ្រាន់តែចុចលើឈ្មោះកម្មវិធី។ បន្ទាប់មកនឹងឃើញផ្ទាំងព័ត៌មានលម្អិតលើអ្វីឲ្យពិតប្រាកដថាកម្មវិធីអាចឃើញ។

គួរដឹងដែរ មុនពេលបិទ Permission កម្មវិធីមួយចំនួនប្រហែលអាចពឹងលើ Permission ដើម្បីដំណើរការមុខងារខ្លួនបានត្រឹមត្រូវ។ ដើម្បីបិទ Permission នេះ ចុចលើ Remove Access រួចចុចលើ OK។

បានដឹង បានឮរួចមកហើយ ពីព័ត៌មានអាស្រូវរបស់ក្រុមហ៊ុន Cambridge Analytica ចំពោះ Facebook។ នេះពិបាក នឹងមិនព្រួយបារម្ភ ពីគោលការណ៍របស់ Google។ យល់ល្អ គួរការពារជាមុន៕