Ryeowook បញ្ចប់កាតព្វកិច្ចពីទាហានជាផ្លូវការហើយ និងមានមនុស្សសំខាន់ទៅទទួលទៀត

2018-07-10 02:05:14
ចំនួនមតិ 0 | ចំនួនចែករំលែក 0

ចន្លោះមិនឃើញ

Ryeowook តារាចម្រៀងក្រុម Super Junior បានបញ្ចប់កាតព្វកិច្ចជានាយទាហានហើយ បន្ទាប់ចូលពលីកម្លាំងកាយចិត្តជូនជាតិកាលពីថ្ងៃទី ១១ ខែតុលា ឆ្នាំ ២០១៦។

ព្រឹកថ្ងៃទី ១០ ខែកក្កដាឆ្នាំ ២០១៨នេះ Ryeowook សមាជិករបស់ក្រុមចម្រៀងបុរស Super Junior បានសម្រេចកាតព្វកិច្ចជាផ្លូវការហើយ បន្ទាប់ពីពុះពារឧបសគ្គជាច្រើនអស់រយៈពេលជាង ២១ខែ។

ក្នុងការស្វាគមន៍ការវិលមកវិញនេះ ក្រៅពីអ្នកគាំទ្ររាប់រយនាក់ ក៏នៅមានវត្តមានមនុស្សសំខាន់ជាទីស្រឡាញ់របស់លោកដែររួមមាន Leeteuk, Donghae, Eunhyuk និង Siwon ដែលសុទ្ធសឹងជាបងប្អូនរួមក្រុម។ អ្នកគាំទ្រទាំងអស់ពិតជារំភើបឥតឧបមាដែលសមាជិកក្រុម Super Junior រូបនេះបានវិលមកបំពេញកម្លាំងក្រុមវិញ។

បើតាមព័ត៌មានផ្សេងទៀតក៏បានឲ្យដឹងដែរថា នៅថ្ងៃទី ១២ ខែកក្កដា ខាងមុខ តារាប្រុសរូបនេះនឹងមានកម្មវិធីជំនួបជាមួយអ្នកគាំទ្រទាំងអស់ជាលើកដំបូង ក្រោយចេញពីទាហាន។ កម្មវិធីនោះមានឈ្មោះថា "Return to the Little Prince” ចាប់ផ្ដើមពីម៉ោង ៨យប់ (ម៉ោងនៅកូរ៉េ) នៅអគារ SMTOWN THEATRE COEX Artium៕

ប្រភព៖ kstarlive ប្រែសម្រួល៖ យី សុធារី