អាណិតពេក! Bobby តារារបស់ YG ចេញមុខលើកទឹកចិត្តអ្នកទាំង ១៣ជាប់ក្នុងល្អាងភ្នំ

2018-07-10 04:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងប្រចាំផលិតកម្ម YG គឺ Bobby សមាជិកក្រុម iKon បានផ្ញើសារមានន័យមួយទៅកាន់ក្រុមក្មេងទាំង ១២ និងគ្រូបង្វឹកម្នាក់ដែលចាប់ក្នុងល្អាងភ្នំកាលពីពេលកន្លងមក។

កាលពីម្សិលមិញ បើផ្អែកលើគណនី Instagram ផ្ទាល់ខ្លួន Bobby បានបង្ហោះរូបភាពមួយសន្លឹក ដោយភ្ជាប់មានសេចក្ដីថា៖ "ពិតជាក្លាហាន និងរឹងមាំបំផុត សូមបន់ស្រន់ឲ្យពួកគេបានសុខទាំងអស់គ្នា និងពិសេសឧទ្ទិសកុសលដល់វីរបុរសដែលបានពលី សូមឲ្យទៅកាន់សុគតិភព។ នេះជាស្ថានភាពក្នុងប្រទេសថៃ ក្មេង១២នាក់ និងគ្រូបង្វឹកម្នាក់ បានជាប់ក្នុងល្អាងភ្នំនេះ។ ម្សិលមិញ (ថ្ងៃទី ០៨ ខែកក្កដា) ៤នាក់ក្នុងចំណោមអ្នកទាំង ១៣ត្រូវបានគេជួយសង្គ្រោះ ប៉ុន្តែមុននោះក៏មានអ្នកជួយសង្គ្រោះម្នាក់បានស្លាប់ ក្រោយព្យាយាមជួយក្មេងទាំងអស់"។

A post shared by 바비 (@bobbyindaeyo) on Jul 9, 2018 at 12:43am PDT

កាយវិការរបស់តារាប្រុសរូបនេះពិតជាបង្ហាញពីក្ដីបារម្ភចំពោះគ្រប់គ្នាដែលជួបហេតុការណ៍នេះ ហើយបើទោះជាលោកមិនមែនជាជនជាតិថៃ តែយ៉ាងណាក៏មានមនោសញ្ចេតនាក្នុងនាមជាមនុស្សដូចគ្នា។

សម្រាប់ព័ត៌មានថ្មីៗទាក់ទងនឹងក្មេងៗ និងគ្រូបង្វឹករបស់ពួកគេពេលនេះទោះបានបង្ហាញថា ក្នុងចំណោមអ្នកទាំង ១៣ មាន ៨នាក់ហើយបានសង្គ្រោះចេញពីល្អាងភ្នំ និងបញ្ជូនយកទៅព្យាបាលនៅមន្ទីរពេទ្យឈៀងរ៉ាយ។ អ្នកនៅសេសសល់ចំនួន ៥នាក់ទៀតនឹងត្រូវនាំចេញជាបន្តបន្ទាប់នៅថ្ងៃនេះ៕

ប្រភព៖ tvpoolonline ប្រែសម្រួល៖ យី សុធារី