មកដឹងទំហំ និងតម្លៃចិញ្ចៀនភ្ជាប់ពាក្យរបស់ Hailey Baldwin

2018-07-10 08:33:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ តារាចម្រៀង Justin Bieber បានប្រកាសជាសាធារណៈពីដំណឹងភ្ជាប់ពាក្យរបស់លោកជាមួយតារាម៉ូដែល Hailey Baldwin ដោយសរសេរពាក្យពេចន៍ផ្អែមល្ហែម ថែមទាំងហៅ Hailey ថាជាម្ចាស់ជីវិតរបស់លោកថែមទៀតផង។ បើងាកមក តារាម៉ូដែល Hailey Baldwin វិញ អ្នកគាំទ្របានដាក់ការចាប់អារម្មណ៍ជាខ្លាំងទៅលើចិញ្ចៀនពេជ្រដ៏ធំមួយវង់ ដែលនាងបានពាក់ក្រោយប្រកាសពីការភ្ជាប់ពាក្យនោះ។

ជាមួយគ្នានោះដែរ អ្នកគាំទ្របានចាប់អារម្មណ៍ថា ចិញ្ចៀនមួយវង់នេះ គឺមានរូបរាងស្រដៀងគ្នាទៅនឹងចិញ្ចៀនភ្ជាប់ពាក្យរបស់តារាសម្ដែង Blake Lively។

ទោះជាយ៉ាងណា នេះមិនមែនជារឿងចៃដន្យនោះទេ ព្រោះថាកាលពីឆ្នាំ ២០១២ តារាម៉ូដែល Hailey Baldwin បានបង្ហោះសារមួយលើគណនី Twitter របស់នាងថា៖ "ប្រសិនបើចិញ្ចៀនរបស់ខ្ញុំមិនបានប៉ុន Blake Lively ទេ ខ្ញុំមិនចង់រៀបការទេ"។

បើតាមម្ចាស់ក្រុមហ៊ុនគ្រឿងអលង្ការ WP Diamonds លោក Andrew Brown បាននិយាយថា៖ "ចិញ្ចៀនពេជ្ររបស់ Hailey គឺមានទំហំប្រហែល ៦ ការ៉ាត់ ហើយចំពោះតម្លៃវិញគឺប្រហែល ៤០០ ០០០ដុល្លារ"៕

ប្រភព៖ Kenh14 ប្រែសម្រួល៖ អន សុភក្ត្រា