សារព័ត៌មានល្បីឈ្មោះមួយថា Ronaldo អាចចូលរួមជាមួយ Juventus ក្នុងពេលដ៏ខ្លីខាងមុខ
- 2018-07-10 11:06:35
- ចំនួនមតិ 0 | ចំនួនចែករំលែក 0
សារព័ត៌មានល្បីឈ្មោះមួយថា Ronaldo អាចចូលរួមជាមួយ Juventus ក្នុងពេលដ៏ខ្លីខាងមុខ
ចន្លោះមិនឃើញ
ក្នុងថ្ងៃនេះ សារព័ត៌មានល្បីឈ្មោះ Sky Sports បានឲ្យដឹងថា ខ្សែប្រយុទ្ធ Cristiano Ronaldo អាចទៅចូលរួមជាមួយ Juventus ក្នុងរយៈពេល ៤៨ ម៉ោង។
បើតាមប្រភពខាងលើ នៅវេលា ២ ថ្ងៃទៅមុខទៀត Real Madrid អាចធ្វើសេចក្ដីសម្រេចចុងក្រោយរបស់ខ្លួនទាក់ទងនឹងការឲ្យសំណើរបស់ Juventus ក្នុងការផ្ទេរខ្សែប្រយុទ្ធព័រទុយហ្គាល់។
Sky Sports បានបន្តអះអាងថា នៅពេលនេះ ភាគីទាំងបី រួមមានភ្នាក់ងារកីឡាករ Ronaldo លោក Jorge Mendes ក្លឹប Real Madrid និង ក្លឹប Juventus កំពុងធ្វើការចរចាគ្នា។
តម្លៃផ្ទេរត្រូវបានគេជឿថា ស្ថិតក្នុងរង្វង់ ១០០ លានអឺរ៉ូ (១១៦ លានដុល្លារសហរដ្ឋអាមេរិក)។
ការចុះផ្សាយរបស់ Sky Sports ធ្វើឡើងក្រោយមានពាក្យចចាមអារ៉ាមជាច្រើនដែលថា Ronaldo នឹងចាកចេញពីក្លឹបអេស្ប៉ាញ Real Madrid ទៅចូលរួម Juventus នៅអ៊ីតាលី។ កាលពីសប្ដាហ៍មុន លោក Mendes ភ្នាក់ងារកីឡាករព័រទុយហ្គាល់ បានព្រលយពាក្យថា បើ Ronaldo ចាកចេញមែន កីឡាករធ្វើនេះ ដើម្បីស្វែងរក "ដំណាក់កាល និងការប្រកួតប្រជែងថ្មី"។
Ronaldo បានចូលរួមជាមួយ Real Madrid កាលពីឆ្នាំ ២០០៩។ ក្នុងរយៈពេល ៩ឆ្នាំនៅក្លឹប កីឡាករស៊ុតចូលសរុប ៤៥០ គ្រាប់ ក្នុងការបង្ហាញខ្លួន ៤៣៨ លើកព្រមទាំងបានជួយក្លឹបឲ្យឈ្នះពានធំៗជាច្រើន៕