Courtois រិះគន់ក្រុមបារាំងថា លេងការពារពេក ចាំតែវាយបក
- 2018-07-11 03:09:44
- ចំនួនមតិ 0 | ចំនួនចែករំលែក 0
Courtois រិះគន់ក្រុមបារាំងថា លេងការពារពេក ចាំតែវាយបក
ចន្លោះមិនឃើញ
អ្នកចាំទីរបស់ជម្រើសជាតិបែលហ្ស៊ិកលើកឡើង ក្រុមរបស់ខ្លួនល្អជាងបារាំង ក្នុងការប្រកួតកាលពីយប់មិញ ទោះលទ្ធផលបរាជ័យ ១-០ ក្នុងវគ្គពាក់កណ្ដាលផ្ដាច់ព្រ័ត្រក៏ដោយ។
គ្រាប់១ដោយការប្រើក្បាលរបស់ Samuel Umtiti គ្រប់គ្រាន់បញ្ជូនបារាំងឡើងទៅវគ្គផ្ដាច់ព្រ័ត្រ World Cup នៅទីក្រុង Moscow នាថ្ងៃអាទិត្យសប្ដាហ៍នេះ។ ត្បិតតែឈ្នះបែបនេះក្ដី Courtois អ្នកចាំទីដៃស្អិតរបស់ Chelsea យល់ថា បារាំងមិនមែនជាក្រុមល្អណាស់ណាទេ ចាំតែការពារនឹងវាយបកលឿនៗ។
ថ្លែងប្រាប់ beIN Sports កីឡាករកម្ពស់ខ្ពស់និយាយថា៖ “ខ្ញុំមិននិយាយថា ក្រុមនាំមុខពួកយើង គេល្អជាងពួកយើងទេ។ ក្រុមនាំមុខពួកយើង មានប្រព័ន្ធការពារល្អជាមួយកីឡាករ១១ពី៣៥ម៉ែត្រពីបង្គោលទី មុនពេលពួកគេរកគ្រាប់បាល់បាន។ ពួកគេតែងតែធ្វើបែបនេះក្នុងព្រឹត្តិការណ៍ World Cup ទាំងមូល។ ជាក់ស្ដែងប៉ះអ៊ុយរុយហ្គាយ ពួកគេរកគ្រាប់បានពីបាល់ Free-Kick។ ថ្ងៃនេះដោយបាល់ជ្រុង។ អាណិតណាស់ តែនេះជាបាល់ទាត់"។
Courtois បន្តទៀតថា ក្រុមទាំងអស់លេងក្នុងយុទ្ធសាស្ត្រ រៀងខ្លួន។ តែយុទ្ធសាស្ត្រ បារាំងលេងការពារនិងវាយបក ដោយមាន Mbappé ដែលជាកីឡាករលឿនលឿន។ ប៉ុន្តែនេះជារឿងអាម៉ាស់ម៉ាស់ក្នុងបាល់ទាត់ អ្នកដឹងហើយ។