គ្រាន់ដឹងអ្នកទាំង ១៣ ចេញពីល្អាងអស់ David Beckham ចេញសារសាទរភ្លាម

2018-07-11 03:30:25
ចំនួនមតិ 0 | ចំនួនចែករំលែក 0

ចន្លោះមិនឃើញ

បេសកកម្មជួយក្មេងៗទាំង ១២ និងគ្រូបង្វឹកម្នាក់ពីល្អាងភ្នំថាំហ្លួង បានបញ្ចប់ដោយជោគជ័យបំផុតកាលពីល្ងាចថ្ងៃទី ១០ ខែកក្កដាម្សិលមិញនេះ បង្កឲ្យមានការសាទរជាច្រើនពីសំណាក់មនុស្សជាច្រើននាំគ្នាសាទរនឹងដំណឹងនេះ ក្នុងនោះក៏រួមមានអតីតកីឡាករបាល់ទាត់ ដែលបច្ចុប្បន្នជាតារាហូលីវូដ David Beckham ដែរ។

David Beckham

ក្រុមបាល់ទាត់ជ្រូកព្រៃ ដែលជាប់ក្នុងល្អាង

លោកឪពុកកូន ៤រូបនេះ បានបង្ហោះរូបភាពក្រុមកីឡាករវ័យក្មេងទាំង ១៣នាក់ អមដោយពាក្យពេចន៍មួយចំនួនអបអរ និងក្ដីសប្បាយរីករាយដែលគ្រប់គ្នាមានសុវត្ថិភាព។ David Beckham បានសរសេរថា៖ "ខ្ញុំមានអារម្មណ៍សប្បាយរីករាយបំផុតដែល ឮព័ត៌មានពីប្រទេសថៃ។ ក្មេងប្រុសទាំងនេះគឺជាវីរបុរសពិតៗ ក្នុងនោះក៏មានគ្រូបង្វឹក បុរស នារីដែលយកជីវិតប្រថុយនឹងគ្រោះថ្នាក់ដើម្បីសង្គ្រោះក្មេងៗ និងអ្នកជ្រមុជទឹកថៃដ៏អស្ចារ្យ Saman Kunanផងដែរ។ នេះពិតជារឿងរីករាយ និងជួលចិត្តបំផុត”។

ប្រជាជនថៃ និងជនជាតិផ្សេងទៀតស្ទើរពាសពេញពិភពលោក ពិតជារំភើបឥតឧបមា ដែលក្មេងទាំងអស់ដែលជាប់ក្នុងល្អាងភ្នំមានមានសុវត្ថិភាព ពិសេសដឹងគុណជានិច្ចចំពោះការលះបង់មិនខ្លាចឧបសគ្គរបស់ក្រុមអ្នកជួយសង្គ្រោះទាំងជាតិ និងអន្តរជាតិ៕