៤ ចំណុចអ្នកគាំទ្រត្រូវដឹង បើសិន iPhone X Plus ចេញលក់ខែកញ្ញានេះពិតមែន

2018-07-12 01:58:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Apple ត្រូវបានគេជឿជាក់ថានឹងមានវត្តមានស្មាតហ្វូនអេក្រង់ធំ iPhone X Plus វិវត្តបន្តលើ iPhone X ជំនាន់ឆ្នាំ ២០១៧។ សង្ខេបចេញពីចចាមអារ៉ាមកន្លងទៅ ៤ ចំណុចខ្លឹម ដែលប្រិយមិត្ត Apple គួរដឹង មុនការដាក់បង្ហាញត្រូវធ្វើឡើងជាផ្លូវការ។

១.ទំហំនិងអេក្រង់:

យោងតាមដំណឹងល្ហិចល្ហៀង iPhone X Plus នឹងមានអេក្រង់ ៦,២០ អ៊ីញ ធៀបនឹង iPhone X មានត្រឹម ៥,៦៥ អ៊ីញ ប៉ុន្តែជាប្រភេទអេក្រង់ OLED ដែលមានតម្លៃថ្លៃដូចគ្នា។

២.តម្លៃ:

សព្វថ្ងៃ iPhone X ទំហំ 64GB ថ្លៃ ៩៩៩ ដុល្លារ ខណៈ 256GB ថ្លៃ ១ ១៤៩ ដុល្លារ ប៉ុន្តែតម្លៃនេះក៏នឹងរក្សាបានយ៉ាងល្អលើ iPhone X Plus ឆ្នាំ ២០១៨។ នេះបើផ្អែកតាមការវិភាគពីបុគ្គលជំនាញជាច្រើនរូប។

៣.ទំហំអង្គផ្ទុក:

ប្រភពជាច្រើនជឿជាក់ថា អង្គផ្ទុក 512GB នឹងបើកឲ្យប្រើប្រាស់ជាលើកដំបូងលើ iPhone X Plus ខ្ពស់ជាងជំនាន់បច្ចុប្បន្នមានដល់ 256GB។ ចចាមអារ៉ាមនេះកើតចេញ ក្រោយពេលក្រុមហ៊ុនយក្ស SAMSUNG និង Huawei កំពុងដុតដៃដុតជើងវិវត្តអង្គផ្ទុកទំហំធំប្រភេទនេះ។

៤.កាលបរិច្ឆេទបង្ហាញខ្លួន:

មិនខុសពីរាល់ឆ្នាំ ព្រឹត្តិការណ៍ដាក់បង្ហាញ iPhone សេរ៊ីថ្មី នឹងធ្វើឡើងនាខែកញ្ញា ប៉ុន្តែតាមសង្វាក់ផលិតកម្មបច្ចុប្បន្នត្រូវបានប្រភពបង្ហើបថាជួបបញ្ហាខ្លះទាក់ទងការផលិតបច្ចេកវិទ្យា TrueDepth ជំនាន់ថ្មី ចំណុចនេះហើយក៏ Apple អាចនឹងត្រូវរាំងស្ទះ ហើយពន្យារពេលការដាក់បង្ហាញ ប្រសិនរកដំណោះស្រាយមិនទាន់ពេលវេលា។