ឡេង ណាវ៉ាត់ត្រា ល្បីមានងារជាឧកញ៉ាយូរហើយ តាមពិតទើបតែធ្លាក់ព្រះរាជក្រឹត្យថ្មីៗនេះតើ
- 2018-07-12 02:54:49
- ចំនួនមតិ 0 | ចំនួនចែករំលែក 0
ឡេង ណាវ៉ាត់ត្រា ល្បីមានងារជាឧកញ៉ាយូរហើយ តាមពិតទើបតែធ្លាក់ព្រះរាជក្រឹត្យថ្មីៗនេះតើ
ចន្លោះមិនឃើញ
តារាចម្រៀងមានប្រវត្តិជាអតីតពលករនៅនៅប្រទេសកូរ៉េ និងជាថៅកែសំណង់ផ្ទះល្វែង ឡេង ណាវ៉ាត់ត្រា ដែលល្បីថា ទទួលងារជាឧកញ៉ាជិត១ឆ្នាំមកហើយ ការពិតទើបតែធ្លាក់ព្រះរាជក្រឹត្យកាលពីប៉ុន្មានថ្ងៃនេះប៉ុណ្ណោះ។
តាមការការបង្ហោះសារជូនពរ របស់លោក ហេង ឡុង គូស្នេហ៍អ្នកនាង ចន ចន្ទ័លក្ខិណា ដែលមានអមនិងព្រះរាជក្រឹត្យផងនោះ បានឲ្យដឹងថា លោក ឡេង ណាវ៉ាត់ត្រា ទើបតែត្រូវបានព្រះមហាក្សត្រតែងតាំងជាឧកញ៉ា កាលពីថ្ងៃទី០៦ ខែ កក្កដា ឆ្នាំ ២០១៨នេះ ប៉ុណ្ណោះ។
ជុំវិញការធ្លាក់ព្រះរាជក្រឹត្យ ក្រោយល្បីមានងាជាឧកញ៉ានេះ លោក ឧកញ៉ាឡេង ណាវ៉ាត់ត្រា បានពន្យល់ថា ដោយសារតែឯកសាររបស់លោកមានការយឺតយ៉ាវ ហើយត្រូវឆ្លងកាត់ច្រើនដំណាក់កាល។
កន្លងមក លោកឧកញ៉ា ឡេង ណាវ៉ាត់ត្រា ត្រូវបានគេដឹងថា បានជួយសង្គមច្រើន ក្នុងនោះមានជួយដល់មន្ទីរពេទ្យគន្ធបុប្ផា កាកបាទក្រហម និង កិច្ចការសង្គមជាច្រើនទៀត ក្នុងនោះក្នុងចង្កោមអ្នកសិល្បៈដែលមានបញ្ហាសុខភាពក៏ដូចជាបញ្ហាជីវភាព លោកតែងតែជួយមិនដាច់ឡើយ។ ឧកញ៉ាឡេង ណាវ៉ាត់ត្រា បានប្ដេជ្ញាថា មួយជីវិតរបស់លោក នឹងធ្វើការដើម្បីខ្លួនឯង ៥០% សង្គម៥០% ដោយក្ដីរីករាយផុសចេញពីបេះដូងពិតៗ៕