អ្នកពន្លត់អគ្គីភ័យក្រូអាតធ្វើរឿងគួរឲ្យគោរពពេលកំពុងមើល World Cup

2018-07-12 03:27:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈប្រជាជនក្រូអាតទាំងមូលកំពុងអបអរជ័យជម្នះលើអង់គ្លេស ហើយឡើងវគ្គផ្ដាច់ព្រ័ត្រ World Cup លើកដំបូងក្នុងប្រវត្តិសាស្ត្រ មានការបង្ហោះវីដេអូមួយពីសកម្មភាពក្រុមអ្នកពន្លត់អគ្គិសនីក្នុងប្រទេសនោះ។

វីដេអូនោះបង្ហាញពីបុគ្គលិកពន្លត់អគ្គីភ័យមួយក្រុមកំពុងមើលការប្រកួតវគ្គ៨ក្រុមចុងក្រោយ World Cup រវាងក្រុមជម្រើសជាតិក្រូអាត និងរុស្ស៊ី តាមទូរទស្សន៍ហើយការប្រកួតឈានដល់ការទាត់បាល់ប៉េណាល់ទីកាត់សេចក្ដីទៅហើយ។

យ៉ាងណាខណៈក្រូអាតត្រូវទាត់បាល់ចុងក្រោយដោយ Ivan Rakitic ស្រាប់តែសំឡេងស៊ីរ៉ែនបានបន្លឺឡើង ជាសញ្ញាប្រកាសអាសន្នអគ្គិភ័យ។ ភ្លាមៗបុគ្គលិកទាំងអស់បានស្ទុះចេញដំណើរទៅបំពេញតួនាទីរបស់ខ្លួន ដោយទុកការមើលបាល់មួយឡែកសិន។

ពួកគេខកខានមើលគ្រាប់ជ័យជម្នះជាប្រវត្តិសាស្ត្រជួយ ក្រូអាតឡើងវគ្គពាក់កណ្ដាលផ្ដាច់ព្រ័ត្រ ប៉ុន្តែបានទទួលការសរសើរពីអ្នកឃើញវីដេអូនោះថាក្រុមបុគ្គលិកអគ្គីភ័យពិតជាមានទំនួលខុសត្រូវខ្ពស់ចំពោះការងារសង្គ្រោះរបស់ខ្លួន៕