ក្រុមហ៊ុនយក្សកូរ៉េពីរ បោះទុនសាងសង់រោងចក្រថ្មីនៅទឹកដីឥណ្ឌានិងចិន
- 2018-07-13 03:39:47
- ចំនួនមតិ 0 | ចំនួនចែករំលែក 0
ក្រុមហ៊ុនយក្សកូរ៉េពីរ បោះទុនសាងសង់រោងចក្រថ្មីនៅទឹកដីឥណ្ឌានិងចិន
ចន្លោះមិនឃើញ
ក្រុមហ៊ុនយក្សកូរ៉េខាងត្បូង Samsung Electronics និង LG Electronics បាននឹងកំពុងពង្រីកការវិនិយោគលើការសាងសង់រោងចក្រថ្មីរបស់ខ្លួនក្នុងប្រទេសឥណ្ឌានិងចិន។
ខណៈ SAMSUNG ទើបសម្ភោធដាក់ឲ្យប្រើប្រាស់ជាផ្លូវការនូវរោងចក្រផលិតទូរសព្ទចល័តធំបំផុតក្នុងលោក ស្ថិតនៅទីក្រុង Noida កាលពីថ្ងៃចន្ទ ក្រោមអធិបតីភាពនាយករដ្ឋមន្ត្រីលោក Shri Narendra Modi ។ ឈរលើគំនិតផ្ដួចផ្ដើមឲ្យឈ្មោះថា "Make for the World” គូប្រជែងរបស់ Apple មួយនេះ មានគោលដៅនាំចេញស្មាតហ្វូនពីប្រទេសឥណ្ឌាទៅកាន់ទីផ្សារពិភពលោក បន្ថែមពី ៦៨ លានគ្រឿង ឡើងដល់ ១២០ លានគ្រឿងក្នុងមួយឆ្នាំ។
ថ្លែងបញ្ជាក់ពីនាយកប្រតិបត្តិប្រចាំ SAMSUNG India លោក HC Hong បានមានប្រសាសន៍ថា៖ "រោងចក្រ Noida របស់យើង ជារោងចក្រធំបំផុតក្នុងលោក ហើយក៏ជាកិច្ចសហការរយៈពេលវែងយើងបង្កើតក្នុងប្រទេសឥណ្ឌា សម្រាប់ប្រទេសឥណ្ឌានិងសម្រាប់ពិភពលោក"។
ក្រឡេកទៅមើល LG Display ក៏ទើបប្រកាសកាលពីថ្ងៃសោរ៍ថាខ្លួនទើបទទួលបានច្បាប់អនុញ្ញាតពីរដ្ឋាភិបាលលើគម្រោងសាងសង់រោងចក្រផលិតអេក្រង់ OLED ស្ថិតក្នុងទីក្រុង Guangzhou ប្រទេសចិន។ ចំណាយដើមទុនវិនិយោគប្រមាណ ៥ Trillion វន់ រំពឹងនឹងចាប់ផ្តើមប្រតិបត្តិការអំឡុងត្រីមាសទី ២ ឆ្នាំ ២០១៩ តទៅ។ នេះបើយោងតាមសារព័ត៌មាន Korea Herald បានចុះផ្សាយ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
មកមើលវីដេអូ កង់បីស្ថាបនិករថយន្តអង្គរ ដឹកភ្ញៀវឡូយអស់ទាស់
ចង់ទិញ GoPro? ឈប់សិន អានអត្ថបទនេះចប់សិន ក៏មិនទាន់ហួសពេលដែរ