Justin ក្រពុលមុខខ្លាំងពេលនិយាយទូរសព្ទជាមួយមនុស្សម្នាក់ ក្រោយមកពីជួបគ្រួសារគូដណ្ដឹង

2018-07-13 02:19:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ០៧ ខែកក្កដា តារាចម្រៀង Justin Bieber បានសុំមិត្តស្រីរបស់លោករៀបការ និងភ្ជាប់ពាក្យជាមួយគ្នាភ្លាមៗ ដែលជាហេតុធ្វើឲ្យគ្រប់គ្នាមានការភ្ញាក់ផ្អើល។

ហើយក្រោយមួយសប្ដាហ៍មកនេះ Justin Bieber មើលទៅដូចជាមានអារម្មណ៍ស្មុគស្មាញ ខណៈលោកត្រូវបានប្រទះឃើញអង្គុយនៅចិញ្ចើមថ្នល់ក្នុងទីក្រុងញ៉ូយ៉កដើម្បីតេទូរស័ព្ទ ក្រោយពីត្រឡប់មកពីសួរសុខទុក្ឋឪពុករបស់តារាម៉ូដែល Hailey Baldwin វីញ។

ប៉ុន្មានម៉ោងក្រោយនិយាយទូរស័ព្ទរួច តារាចម្រៀងវ័យ ២៤ ឆ្នាំរូបនេះ បានបង្ហោះវីដេអូមួយរបស់តារាម៉ូដែល Hailey Baldwin ហើយក៏បានលុបទៅវិញភ្លាមៗផងដែរ ជាមួយនឹងសំណេរខាងក្រោមថា៖ "មកជួបគូដណ្ដឹងរបស់ខ្ញុំ"។

ទោះជាយ៉ាងណាក៏ដោយ ភាពក្រពុលមុខ ស្មុគស្មាញខ្លាំងរបស់តារាចម្រៀង Justin Bieber ដែលបានប្រទះឃើញនោះ នៅមិនទាន់ដឹងថាមកពីមូលហេតុអ្វីនោះទេ ហើយនរណាដែលលោកបានទូរស័ព្ទទៅពេលនោះ ក៏មិនទាន់មាននរណាដឹងនោះដែរ៕

ប្រភព៖ Dailymail | TMZ ប្រែសម្រួល៖ អន សុភក្ត្រា