ដឹកនាំប្រកួតផ្លូវការដំបូង Gerrard ជួយ Rangers ឈ្នះ ២-០ នៅ Europa
- 2018-07-13 03:57:44
- ចំនួនមតិ 0 | ចំនួនចែករំលែក 0
ដឹកនាំប្រកួតផ្លូវការដំបូង Gerrard ជួយ Rangers ឈ្នះ ២-០ នៅ Europa
ចន្លោះមិនឃើញ
Steven Gerrard បានភ្លក់រសជាតិជ័យជម្នះនៅប្រកួតផ្លូវការដំបូងក្នុងនាមជាអ្នកចាត់ការទូទៅក្រោយនាំ Rangers ឈ្នះក្រុម Shkupi របស់ម៉ាសេដូនៀ ដោយលទ្ធផល ២-០។
ក្នុងការប្រកួត Europa League វគ្គជម្រុះជើងទីមួយ Jamie Murphy និង James Tavernier រកបានម្នាក់មួយគ្រាប់ឲ្យ Rangers ឈ្នះនៅជើងទីមួយ តែត្រូវប្រកួតជើងទីពីរក្រៅដីវិញនៅថ្ងៃទី១៧ ខែកក្កដា នៅទឹកដី Čair Stadium។
អតីតប្រធានក្រុមជម្រើសជាតិអង់គ្លេស មានបទពិសោធន៍ដឹកនាំជាមួយក្រុមយុវជន Liverpool ប៉ុណ្ណោះតែត្រូវ Rangers ផ្ដល់សេចក្ដីទុកចិត្តតែងតាំងជាអ្នកចាត់ការទូទៅថ្មី កាលពីខែឧសភា បន្ទាប់ពីលោក Graeme Murty ត្រូវក្លឹបបណ្ដេញចេញ។ Gerrard បានចុះកុងត្រាដឹកនាំរយៈពេល៤ឆ្នាំគិតចាប់ពីរដូវកាល ២០១៨-១៩ទៅ៕