ភាពយន្តហូលីវូដល្អបំផុតទាំង១៧ សម្ដែងដោយ Anglina Jolie បានមើលអស់ឬនៅ?
- 2018-07-13 07:35:00
- ចំនួនមតិ 0 | ចំនួនចែករំលែក 0
ភាពយន្តហូលីវូដល្អបំផុតទាំង១៧ សម្ដែងដោយ Anglina Jolie បានមើលអស់ឬនៅ?
ចន្លោះមិនឃើញ
តារាសម្ដែង Angelina Jolie ត្រូវបានគេចាត់ទុកថាជាតារាសម្ដែងលំដាប់កំពូលនៅហូលីវូដ ដែលបានចាប់ផ្ដើមសម្ដែងភាពយន្តតាំងពីនៅវ័យក្មេងជំទង់មកម្ល៉េះ។ ក្នុងរយៈរាប់សិបឆ្នាំក្នុងវិស័យនេះ Angie បានសម្ដែងភាពយន្តល្បីៗ ជាច្រើន ក្នុងនោះនាងក៏បានទទួលបានរង្វាន់ជាច្រើនផងដែរ បូករួមទាំងពានរង្វាន់អូស្ការទៀតផង។
នេះជាភាពយន្តទាំង១៧ របស់នាងដែលអ្នកគួរតែទស្សនា៖
១. “Maleficent”
“Maleficent” បញ្ចេញឆ្នាំ ២០១៤ ជាសាច់រឿងដកស្រង់ចេះពីរឿងរបស់ Disney “Sleeping Beauty” ដែលតម្រូវឲ្យនាងដើរតួជាតួអង្គធ្មប់ Maleficent។
២. “Wanted”
Angie សម្ដែងជាតួអង្គឃាតកស្រីក្នុងរឿង "Wanted” ឆ្នាំ ២០០៨ ដែលជាភាពយន្តរកចំណូលបានជាង ៣៤១លានដុល្លារលើ Box Office។
៣. “Mr. & Mrs. Smith”
ភាពយន្តនេះជាមូលហេតុនាំឲ្យ Angelina និង Brad Pitt ចាប់ផ្ដើមស្រលាញ់គ្នា ទោះបីជាទំនាក់ទំនងស្នេហាពួកគេបានប្រេះឆាទៅហើយក្ដី ភាពយន្តនេះនៅតែដក់ក្នុងដួងចិត្តអ្នកគាំទ្រនាងទាំងអស់។
៤. “Lara Croft: Tomb Raider”
Angelina បានសម្ដែងជាតួអង្គ Lara Croft នៅក្នុងរឿងដាក់បញ្ចាំងនៅឆ្នាំ ២០០១នេះ ដែលនាងបានមកដក់ប្រទេសកម្ពុជាដើម្បីថតឈុតឆាកខ្លះៗក្នុងរឿងនេះ។
៥. “A Mighty Heart”
ភាពយន្តនេះនាងបានដើរតួជាភរិយារបស់អ្នកកាសែតអាមេរិក Daniel Pearl ឈ្មោះ Marianne ហើយនាងព្យាយាមស្វែងរកយុត្តិធម៌ឲ្យស្វាមីបន្ទាប់ពីលោកត្រូវគេចាប់ជំរិត។
៦. “Girl, Interrupted”
នាងបានឈ្នះពានរង្វាន់ Golden Globe ចំពោះតួអង្គដែលនាងសម្ដែងក្នុងរឿងនេះ កាលពីឆ្នាំ ១៩៩៩។
៧. “Life or Something Like It”
ភាពយន្តនេះមានលក្ខណៈបែបកំប្លែងមនោសញ្ចេតនា បញ្ចេញកាលពីឆ្នាំ ២០០២ ដែលនិយាយអំពីស្រីម្នាក់ស្វែងរកន័យជីវិតក្រោយមានគ្រូទាយម្នាក់ប្រាប់ថានាងនឹងស្លាប់ក្នុងរយៈពេល៧ថ្ងៃ។
៨. “Beowulf”
Angelina បានសម្ដែងក្នុងរឿងនេះនៅឆ្នាំ ២០០៧ ខណៈពេលនាងកំពុងតែមានផ្ទៃពោះ៣ខែ។
៩. “Pushing Tin”
នៅក្នុងរឿងនេះ នាងបានជួបស្វាមីទី២របស់នាងគឺតារាសម្ដែង Billy Bob Thornton។ ភាពយន្តនេះមិនបានទទួលជោគជ័យលើ Box Office នោះទេ ប៉ុន្តែវាក្លាយជាភាពយន្តមនោសញ្ចេតនាដ៏ល្បីមួយរហូតមកដល់ពេលនេះ។
១០. “The Tourist”
តារាទាំងពីររូបគឺ Angelina Jolie និង Johnny Depp បានជាប់ឈ្មោះដណ្ដើមពាន Golden Globes ចំពោះការសម្ដែងភាពយន្តនេះ។ ភាពយន្តនេះត្រូវបានគេវែកញែកយ៉ាងស្មុគស្មាញថាតើគួរតែដាក់ដណ្ដើមពានផ្នែក Drama ឬកំប្លែងក្រោយមកគេសម្រេចចិត្តដាក់ក្នុងផ្នែកកំប្លែង។
១១. “Gone In Sixty Seconds”
ភាពយន្តនេះបញ្ចេញកាលពីឆ្នាំ ២០០០ និយាយអំពីក្រុមជើងកាងមួយក្រុមរៀបចំផែនការលួចរថយន្តចំនួន ៥០។
១២. “Hackers”
ភាពយន្តបញ្ចេញនៅឆ្នាំ ១៩៩៥ នេះមិនបានទទួលភាពជោគជ័យនោះទេ ពេលទើបតែដាក់បញ្ចាំង ប៉ុន្តែក្រោយមក បានក្លាយជាភាពយន្តល្បីមួយ។ គូសបញ្ជាក់ថានេះជាលើកដំបូងដែល Angie បានសម្ដែងជាតួអង្គសំខាន់នៅក្នុងភាពយន្តខ្នាតធំ។
១៣. “Alexander”
ភាពយន្តនិយាយអំពីជីវិតរបស់ Alexander the Great នេះបានទទួលការប្ដឹងផ្ដល់ជាច្រើន ពាក់ព័ន្ធនឹងការនិយាយអំពីតួអង្គមិនបានត្រឹមត្រូវដូចប្រវត្តិសាស្ត្រ។
១៤. “The Good Sheperd”
ភាពយន្តបញ្ចេញឆ្នាំ ២០០៦ មួយនេះនិយាយរឿងរ៉ាវរនុកក្នុងរបស់ CIA ហើយក៏ទទួលការរិះគន់ខ្លះៗ ពីសំណាក់អ្នកនៅ CIA ផងដែរ។
១៥. “Changeling”
Angelina Jolie បានជាប់ឈ្មោះលើកទី២ដើម្បីដណ្ដើមពានរង្វាន់អូស្ការ ហើយនាងក៏ទទួលពាននៅក្នុងរឿងនេះ ដែលនិយាយអំពីម្ដាយម្នាក់ដែលបាត់បង់កូនកាលពីទសវត្សឆ្នាំ ១៩២០។
១៦. “Salt”
ក្នុងសាច់រឿងនេះ នាងបានសម្ដែងជាតួអង្គស៊ើបអង្កេតម្នាក់ ដែលដំបូងជាសាច់រឿងសរសេរដើម្បីឲ្យតារាសម្ដែង Tom Cruise ប៉ុន្តែក្រោយមកត្រូវកែសម្រាប់ឲ្យតួអង្គឯកស្រីដើរតួជំនួសវិញ។
១៧. “Kung Fu Panda”
Jolie បានក្លាយជាតារាហូលីវូដបញ្ចូលសំឡេងក្នុងរឿងបែបគំនូរជីវចលដំបូងក្នុងសាច់រឿងនេះ ដោយបានក្លាយជាភាពយន្តដ៏ល្បីមួយក្នុងឆ្នាំ ២០០៨៕