អាជ្ញាកណ្ដាលមកពីអាហ្សង់ទីនត្រូវជ្រើសរើសឲ្យផ្លុំវគ្គផ្ដាច់ព្រ័ត្រ World Cup

2018-07-13 07:52:07
ចំនួនមតិ 0 | ចំនួនចែករំលែក 0

ចន្លោះមិនឃើញ

Nestor Pitana ត្រូវបានតែងតាំងជាអាជ្ញាកណ្ដាលកាត់សេចក្ដីវគ្គផ្ដាច់ព្រ័ត្រ World Cup រវាង ក្រូអាត និងបារាំង ថ្ងៃអាទិត្យ ទី១៥ ខែកក្កដា នៅកីឡដ្ឋាន Luzhniki Stadium ស្ថិតក្នុងទីក្រុងមូស្គូ។

លោក Pitana (ស្ដាំ)

អាជ្ញាកណ្ដាលជនជាតិអាហ្សង់ទីនរូបនេះ នឹងត្រូវធ្វើការជាមួយជំនួយការពីររូបទៀតមកពីប្រទេសតែមួយមានលោក Hernan Maidana និង Juan Pablo Belatt។ លោក Pitana វ័យ៤៣ឆ្នាំបានផ្លុំការប្រកួត ៤លើកមកហើយនៅ World Cup រួមមានប្រកួតរវាង រុស្ស៊ី និង អារ៉ាប៊ីសាអូឌីត, ម៉ិកស៊ិក និងស៊ុយអែត, ក្រូអាត និងដាណឺម៉ាក ហើយ អ៊ុយរ៉ាហ្គាយ និងបារាំង។

Pitana បានក្លាយជាអាជ្ញាកណ្ដាលអន្តរជាតិតាំងពីឆ្នាំ២០១០។ លោកគឺជាអាជ្ញាកណ្ដាលអាហ្សង់ទីនទីពីរដែលកាត់សេចក្ដីនៅ World Cup ២ផ្សេងគ្នាបន្ទាប់ពីលោក Norberto Coerezza ធ្លាប់ផ្លុំនៅ World Cup ឆ្នាំ១៩៧០ និង៧៨។ ក្រៅពីនោះបុរសមកពីខេត្ត Misiones រូបនេះក៏ជាអាជ្ញាកណ្ដាលអាហ្សង់ទីនទីពីរដែរ ដែលកាត់ក្ដីវគ្គផ្ដាច់ព្រ័ត្រពានរង្វាន់ពិភពលោក បន្ទាប់ពីលោក Horacio Elizondo (ឆ្នាំ២០០៦)៕