សប្ដាហ៍នេះ ឈិត សេរីវណ្ណថង និង ធន់ មករា អាចយកបាន៣ពិន្ទុឬអត់?
- 2018-07-13 08:48:20
- ចំនួនមតិ 0 | ចំនួនចែករំលែក 0
សប្ដាហ៍នេះ ឈិត សេរីវណ្ណថង និង ធន់ មករា អាចយកបាន៣ពិន្ទុឬអត់?
ចន្លោះមិនឃើញ
ថ្ងៃសៅរ៍ស្អែកនេះ ដល់ពេលកីឡាករវ័យក្មេងទាំងពីររូប ឈិត សេរីវណ្ណថង រួមនិង ធន់ មករា ឡើងប្រកួតដណ្ដើមតតាំងជាមួយជើងខ្លាំងឆ្លងដែនមកពីថៃទៀតហើយ នៅសង្វៀនអាស៊ីអាគ្នេយ៍ចាប់ពីម៉ោង ២រសៀលតទៅ។
ធន់ មករា ជាអ្នកប្រដាល់លេចធ្លោម្នាក់ក្នុងចំណោមកីឡាករស្រករក្រោយប្រភេទទម្ងន់ ៥៧គីឡូក្រាម និងឈ្នះពានរង្វាន់នៅសង្វៀន TV5 រួមនិងមេដាយសំរឹទ្ធកីឡាជាតិលើកទី២នេះទៀតផង ប៉ុន្តែការបង្ហាញខ្លួនកម្មវិធីខ្សែក្រវាត់ថ្មីៗនេះ ហាក់ប្រកួតមិនសូវល្អនោះទេ។ ចំណែកដៃគូរបស់ មករា ស្អែកនេះ គឺ Phat Thou ថៃម្នាក់នេះសមត្ថភាពមិនជាខ្លាំងប៉ុន្មាននោះទេ ពោលពីរប្រកួតចាញ់ទាំងពីរលើក។
លោក ឈុត សេរី ឪពុករបស់ សេរីវណ្ណថង ក៏បានប្រាប់ឲ្យដឹងថា ប៉ុន្មានថ្ងៃនេះនៅឯខេត្តបាត់ដំបង អាកាសធាតុមិនសូវជាល្អទេ ល្ងាចឡើងភ្លៀងរហូត ជាហេតុធ្វើឲ្យកូនប្រុសរបស់លោក មិនបានរត់ហ្វឹកហាត់នោះទេ។ រយៈពេល ៣-៤ ថ្ងៃនេះ បានត្រឹមហ្វឹកហាត់នៅក្នុងផ្ទះប៉ុណ្ណោះ ដូច្នេះទម្ងន់លើសបន្តិចហើយព្រោះមិនបានរត់ តែឥលូវកំពុងឲ្យ វណ្ណថង អត់ហូបបាយសិន គ្រែងលធ្លាក់គីឡូបានបន្តិច។
រំលឹកដែរថា ឈិត សេរីវណ្ណថង នឹងត្រូវប៉ះ Phat Seila រីឯ ធន់ មករា ប៉ះ Phat Thou នាជំនួបវិលជុំសន្សំពិន្ទុសប្ដាហ៍ទី៣ កម្មវិធីខ្សែក្រវាត់ខារ៉ាបាវ របស់សង្វៀនអាស៊ីអាគ្នេយ៍ ចាប់ពីម៉ោង ២រសៀលតទៅ៕